„ნაციონალური მოძრაობის" თავმჯდომარედ მიხეილ სააკაშვილი რჩება

სპორტის სასახლეში, ამ წუთებში, "ერთიანი ნაციონალური მოძრაობის" ყრილობა იწყება. ადგილზე უამრავი მხარდამჭერია მობილიზებული. ყრილობაზე გამოჩნდნენ მოძრაობის ლიდერები.

როგორც „პრესა.ჯი“-ს კორესპოდენტისთვის გახდა ცნობილი, „ნაციონალური მოძრაობის" თავმჯდომარედ მიხეილ სააკაშვილი რჩება.

პარტიის გენერალური მდივანის პოსტს ამ წუთამდე ვანო მერაბიშვილი იკავებს. გაფართოებულ პოლიტსაბჭოს კი დავით ბაქრაძე უხელმძღვანელებს.

როგორც ჟურნალისტებს "ერთიანი ნაციონალური მოძრაობის" ერთ-ერთმა ლიდერმა,  გიორგი ვაშაძემ განუცხადა, პარტიის მართვის სტრუქტურაც შეიცვლება.