ჟურნალისტები დვანში ოკუპაციის საწინააღმდეგო აქციას გამართავენ

შეგახსენებთ, რომ 22 სექტემბერს, ცხინვალის რეგიონის მოსაზღვრე სოფელ დვანთან რუსმა სამხედროებმა სადემარკაციო სამუშაოები განაახლეს. საოკუპაციო ზოლის 400 - 500 მეტრით გადმოწევის შედეგად, საქართველოს ხელისუფლების მიერ არაკონტროლირებად ტერიტორიაზე, 10 ჰექტარამდე მიწის ფართობი  მოექცა.

სეპარატისტებმა ოკუპირებული ცხინვალის რეგიონის მოსაზღვრე სოფელ დვანის მოსახლეობას სადემარკაციო სამუშაოების განახლების შედეგად ოკუპირებულ ზონაში მოხვედრილ ტერიტორიებზე არსებული მოსავლის ასაღებად, თავდაპირველად, ათდღიანი ვადა მისცეს, თუმცა, შემდეგ ბრძანება შეცვალეს და ადგილობრივებს უფრო მოკლე ვადებში მოსთხოვეს საშემოდგომო სამუშაოების დასრულება.