“ნაციონალური მოძრაობის" მაჟორიტარობის კანდიდატების ვინაობა ცნობილია

„ერთიანი ნაციონალური მოძრაობა",  27 აპრილს დანიშნული შუალედური არჩევნებისთვის,  სამ რაიონში, მაჟორიტარობის კანდიდატებს წარადგენს. 

თბილისში, ნაძალადევის რაიონში "ერთიანი ნაციონალური მოძრაობის" კანდიდატი ყოფილი სახელმწიფო მინისტრი დიასპორის საკითხებში მირზა (პაპუნა) დავითაია იქნება. 

სამტრედიაში,  მოსახლეობის მხარდაჭერის მოსაპოვებლად, სამტრედიის საკრებულოს თავმჯდომარის მოადგილე,  ემზარ შუბლაძე იბრძოლებს. 

ბაღდათის რაიონში,  ხალხის მანდატის მოპოვებას,  ბაღდათის საკრებულოს თავმჯდომარის მოადგილე,  ვლადიმერ (ხვიჩა) წიქორიძე შეეცდება.