ავტოავარიის შედეგად ქალბატონი გარდაიცვალა, ექიმები 2 წლის ბავშვის გადარჩენას ცდილობენ

გვიან ღამით მომხდარი ავტოავარიის შედეგად, ორი ადამიანი დაიღუპა, სიკვდილს ებრძვის ორი წლის გიორგი ბუკია, რომელიც სასწრაფო დახმარების ბრიგადამ იაშვილის კლინიკაში მოათავსა. პატარას შინაგანი ორგანოების დაზიანება აღენიშნება. კრიტიკულია ბავშვის დედის - ჯამილა ბერიშვილის მდგომარეობაც.

ახალგაზრდა ცოლ-ქმარი მცირეწლოვან ბავშვთან ერთად თბილისში, სანაპიროს მიმდებარე ტერიტორიაზე დაშავდნენ.

როგორც დაშავებულის ახლობლებმა „პრესა.ჯი“-ს განუცხადეს, შემთხვევა გვიან ღამით მოხდა. ავტომობილი, რომლითაც ოჯახი გადაადგილდებოდა ხეს შეეჯახა და ამოტრიალდა.

მანქანას ახალგაზრდა ქალბატონი მართავდა. რომელიც ადგილზე დაიღუპა. გარდაცვლილია მძღოლის მეგობარიც. რაც შეეხება ბუკიას მამას, მას ხელი აქვს მოტეხილი.