რუსიშვილის ადვოკატი ტარყაშვილის მკვლელობაში დავით ჯოხაძის მონაწილეობაზე ალაპარაკდა
16:41:52 07-06-2012
დამამძიმებელ გარემოებაში ჩადენილ მკვლელობაში ბრალდებულ დავით რუსიშვილის ადვოკატი, თეიმურაზ მაგრაქველიძე, ზურა ტარყაშვილის მკვლელობაში, დავით ჯოხაძის მონაწილეობაზე ალაპარაკდა. ადვოკატმა მაგრაქველიძემ ამის შესახებ საჯაროდ, ნაფიცი მსაჯულების მონაწილეობით მიმდინარე სასამართლო პროცესზე განაცხადა.
ამ დროისათვის, გასული წლის 17 ოქტომბერს, თბილისში, რუსთაველის გამზირზე მომხდარ შემზარავ მკვლელობაში ბრალი წაყენებული მხოლოდ სამ პირს აქვს: ივერი გოგბერაშვილს, ირაკლი აგლაძესა და დავით რუსიშვილს. დაკავებულია ივერი გოგბერაშვილი და დავით რუსიშვილი, ირაკლი აგლაძე კი, ამ დრომდე მიმალვაში იმყოფება.
ამ დროისათვის, გასული წლის 17 ოქტომბერს, თბილისში, რუსთაველის გამზირზე მომხდარ შემზარავ მკვლელობაში ბრალი წაყენებული მხოლოდ სამ პირს აქვს: ივერი გოგბერაშვილს, ირაკლი აგლაძესა და დავით რუსიშვილს. დაკავებულია ივერი გოგბერაშვილი და დავით რუსიშვილი, ირაკლი აგლაძე კი, ამ დრომდე მიმალვაში იმყოფება.
ჯოხაძეს, რომელზეც ბრალდებულის ადვოკატი საუბრობს, გამოძიება დანაშაულის დაფარვას ედავება, ის მიმალვაში იმყოფება. თუმცა, გამოძიება გრძელდება და გამორიცხული არაა, რომ დავით ჯოხაძეს ბრალი დაუმძიმონ და ზურა ტარყაშვილის მკვლელობაში ბრალდებულთა რიცხვიც გაიზარდოს.
რაც შეეხება თავად რუსიშვილს, პოლიციამ იგი მკვლელობიდან მესამე დღეს დააკავა. რუსიშვილმა ჩადენილი დანაშაული აღიარა და დეტალურად აღწერა თუ როგორ უთვალთვალებდა ზურას, როგორ დაგეგმეს და განახორციელეს მკვლელობა, თუმცა მოგვიანებით ჩვენება შეცვალა და სწორედ ამიტომ წარსდგა ნაფიც მსაჯულთა წინაშე.