ჭარხლის ფოთლების ფხალი

მასალა:

ნიგოზი 1 ჭიქა

ჭარხლის ფოთლები 500გრ.

ხახვი 1–2 თავი

ნიორი 2 კბილი

ოხრახუში, ქინძი, უცხოსუნელი და მარილი გემოვნებით.

მომზადება:

ჭარხლის ფოთლები გავრეცხოთ, ჩავაწყოთ ქვაბში, დავასხათ წყალი, დავდგათ გაზქურაზე და მოვხარშოთ, შემდეგ წყალი გადფავასხათ. ნიგოზი მოვხალოთ. ხახვი დავჭრათ წვრილად და შევწვათ ზეთში. მოხარშული ჭარხლის ფოთლები, მოხალული ნიგოზი, ნიორი, ოხრახუში და ქინძი გავატაროთ ხორცსაკეპ მანქანაში, მიღებულ მასას დავამატოთ შემწვარი ხახვი, უცხო სუნელი, მარილი (ასევე შეგვიძლია დავამატოთ ცოტა ძმარი) და კარგად ავურიოთ. მომზადებული ფხალი მოვათავსოთ სასურველ ფორმაზე და გავაფორმოთ სურვილისამებრ.