მოსკოვში, ეთნიკურ ნიადაგზე, კიდევ ერთი კავკასიელი მოკლეს (ვიდეო)

აზერბაიჯანის მოქალაქე მეთინ მეხტიევი ე.წ. კავკასიური საზოგადოების ლიდერი იყო. მისი ცხედარი ბრეცსკის ქუჩაძე გვიან ღამით აღმოაჩინეს.რუსი სამართალდამცავების მხრიდან, მკვლელობის ოფიციალურ მიზეზად  ძარცვა დასახელდა, თუმცა ამ ინფორმაციის არ სჯერათ  მოკლულის ახლობლებს.

სხვადასხვა ეთნიკური ჯგუფის წარმომადგენლებზე თავდასხმა ბოლო დროს რუსეთში მნიშვნელოვნად გახშირდა.ქართველთაგან მათი უკანასკნელი მსხვერპლი კი 19 წლის მამუკა კახიშვილი იყო, რომელიც რუსმა სამართალდამცავება ეთნიკურ ნიადაგზე მოკლეს. რუსი სამართალდამცავების ნება იმის შესახებ, რომ ობიექტურად იქნეს გამოძიებული მოკლული ახალგაზრდების საქმე -  არ არსებობს.

აზერბაიჯანელი ახალგაზრდის სიკვდილს ეხმიანებიან სოციალურ ქსელებში და რუსი ბლოგერებიც კი აცხადებენ, რომ კანონის მთელი სიმკაცრით უნდა იყოს ყველა ის ადამიანი დასჯილი, ვინც  მკვლელობა ჩაიდინა.

სოციალური ქსელებში, დღეს, მხოლოდ მეხტიევის ტრაგედია არ ყოფილა მთავარი თემა.

„ფეისბუქსა“ და „ტვიტერზე“ გავრცელდა ვიდეო, რომელსაც დიდი გამოხმაურება მოჰყვა. ვიდეო რუსეთში საპრეზიდენტო არჩევნებამდეა გადაღებული, თუმცა ვიდეოს მფლობელმა მისი გამოქვეყნება დღეს გადაწყვიტა. ის დასათაურებულია, როგორ წინასაარჩევნო ქადაგება.

კადრში ჩანს, როგორ სრულდება საღმრთო ლიტურგია, რუსეთის ერთ-ერთ მართლმადიდებლურ ტაძარში. თუმცა საღმრთო ლიტურგიის შემდეგ, რუსი ეპისკოპოსი ევტიხი, პუტინს აგიტაციას უწევს.  მიუხედავად იმისა, რომ „იუთუბზე“ ვიდეო რამდენიმე დღის წინ დაიდო, სოციალურ ქსელებში ის დღეს გავრცელდა და უკვე რამდენიმე ათასმა ადამიანმა ნახა.