გოჭი, გატენილი თავის შიგნეულობით

ახალდაკლული და გარედან გასუფთავებული გოჭი გაწმინდეთ, გარეცხეთ, წაუსვით მარილი. შიგნეული კარგად გარეცხეთ. წელები გადააბრუნეთ და ისევ გარეცხეთ. დიდი ხნის მანძილზე რეცხეთ, სანამ ბოლომდე არ გაასუფთავებთ.  შემდეგ, ეს გარეცხილი შიგნეული მოხარშეთ, და დაჭერით წვრილად.

ორი თავი ხახვი ტაფაზე მოხრაკეთ სამ სუფრის კოვზ ერბოში, ტაფაზე ასევე ნაწილ–ნაწილ, ანდა ერთად (თუკი შიგნეულია ცოტა, ან ტაფაა ძალიან დიდი)  დაყარეთ მოხარშული შიგნეული, მოაყარეთ წმინდად დანაყილი ათი მარცვალი სანელებელი, (ქინძი) ერთი კოვზი მარილი და კარგათ მოშუშეთ.

ასე მომზადებული სატენით გატენეთ გოჭის შიგანი, მუცელი ამოუკერეთ, დიდ შამფურზე წამოაცვით და შეწვით.

მასალად საჭიროა:

ერთი გოჭი,

მისი შიგნეული,

ხახვი - ორი თავი,

ერბო - სამი კოვზი,

მარილი - ორი კოვზი,

სანელებელი - 10 მარცვალი

მისაყოლებლად რეკომენდირებული ღვინო: ოჯალეში, ხვანჭკარა.