ბოსტნეულის სუპი

მასალა:

    4 ჭიქა ქათმის ბულიონი

    2 ჭიქა წყალი

    500გ პამიდორი

    1 თავი ხახვი

    1 კბილი ნიორი

    1 ჩ/კ მარილი

    8 პილპილის მარცვალი

    4 მარცვალი მიხაკი

    2-3 კარტოფილი

    1 მცირე ზომის ყაბაყი

    1/2 თავი კომბოსტო

    1-2 სტაფილო

    ნიახური

    დაკონსერვებული სიმინდი მოსართავად

დიდ ქვაბში ჩავაწყოთ ნაჭრებად დაჭრილი პამიდორი, რგოლებად დაჭრილი ხახვი, მარილთან ერთად დანაყილი ნიორი და დავასხათ ბულიონი ან წყალი. პატარა თხელ ნაჭერში შევახვიოთ პილპილის მარცვლები, მიხაკი და ჩავდოთ ქვაბში. წამოვადუღოთ, დავახუროთ თავსახური და ვხარშოთ 40 წუთის განმავლობაში. შემდეგ დავუმატოთ კუბიკებად დაჭრილი კარტოფილი, ყაბაყი, დაკეპილი კომბოსტო, სტაფილოს ნაჭრები, ნიახური, დაკონსერვებული სიმინდი, დავახუროთ ქვაბს თავსახური და ვხარშოთ ბოსტნეულის შერბილებამდე დაახლოებით 10 წუთი. ხარშვის ბოლოს ამოვიღოთ ნაჭრის ტომსიკა.