უნაჭუჭოდ მოხარშული კვერცხი პომიდვრითა და რეჰანით

მასალა:

     10 ცალი პატარა ზომის პომიდორი

    1 ს/კ არომატული ძმარი

    4 ცალი კვერცხი

    2 ნაჭერი ტოსტერში დაბრაწული პური

    8 ფოთოლი რეჰანი

გააცხელეთ ქურა 180°C-მდე. ჩააწყვეთ პომიდვრები ცეცხლგამძლე ჭურჭელში, მოასხით არომატული ძმარი და 6-8 წუთის განმავლობაში დატოვეთ ქურაში. პატარა ქვაბში აადუღეთ წყალი, შემდეგ დაუწიეთ ცეცხლს. სწრაფად ურიეთ წყალს და მორევისას წარმოქმნილ ძაბრისებრ ჩაღრმავებაში ჩაახალეთ ერთი კვერცხი. დააცადეთ 3 წუთი და შემდეგ ნაჩვრეტებიანი კოვზით ამოიღეთ. მსგავსი წესით მოხარშეთ დარჩენილი სამი კვერცხიც. დააწყეთ მოხარშული კვერცხები დაბრაწული პურის ნაჭრებზე, შემოუწყვეთ პომიდვრები, მოაყარეთ რეჰანის ფოთლები და მიირთვით ცხელი.