სერჟანტთა მომზადების სკოლაში ”ძირითადი” კურსი დასრულდა

სერჟანტთა მომზადების სკოლაში “ძირითადი სასწავლო” კურსი დასრულდა. სწავლების დასრულების საზეიმო ცერემონია ”კრწანისის” ეროვნულ სასწავლო ცენტრში გაიმართა.

სამხედრო მოსამსახურეებს კურსის დასრულების დამადასტურებელი სერთიფიკატები გადაეცათ.

წვრთნები 5 სექტემბერს დაიწყო და 4 თვის განმავლობაში მიმდინარეობდა. სერჟანტთა სკოლის ინსტრუქტორებმა შეიარაღებული ძალების 64 სამხედრო მოსამსახურე მსუბუქი ქვეითი სპეციალობით მოამზადეს. მათ თეორიული და პრაქტიკული მეცადინეობები ჩაუტარდათ. კურსის განმავლობაში სერჟანტებმა ფიზიკური, სამწყობრო, საცეცხლე და სამეთაურო მომზადება გაიარეს. მათ ასევე დღის და ღამის ნავიგაცია შეისწავლეს. ”ძირითადი სასწავლო” კურსი 80-კილომეტრიანი ტაქტიკური მარშით დასრულდა, რომელიც ჯარისკაცებმა სრული სამხედრო აღჭურვილობით შეასრულეს.

კურსის დასრულების შემდეგ შეიარაღებული ძალების სამხედრო მოსამსახურეები თავიანთ ქვედანაყოფებს დაუბრუნდნენ.

mod.gov.ge