ჩაშუშული ხორცი უნგრულად

გარეცხილი და მცირე ზომაზე დაჭრილი ხორცი მოვშუშოთ ღრმა ტაფაში. შემდეგ დავამატოთ წყალი და მივიყვანოთ მზადყოფნამდე. წყალი საბოლოოდ უნდა ჩაშრეს, ასე რომ ბევრი რომ არ მოგივიდეთ შეგიძლიათ თანდათანობით ჩაამატოთ - საჭიროებისდა მიხედვით.

ჩავამატოთ ცოტაოდენი მცენარეული ზეთი, ჩავყაროთ ხახვი და გავაგრძელოთ შუშვა. ხახვი რომ მოიშუშება, დავუმატოთ სასურველი ოდენობით ტომატი. ჩავყაროთ დაჭრილი სოკო შამპინიონები და ცოტა მოგვიანებით - წვრილად დაჭრილი ნიორი და გავაგრძელოთ შუშვა, სანამ სოკოც არ იქნება მზად.

შემდეგ ვამატებთ პამიდორსა და ბულგარულ წიწაკას (კუბიკებად დაჭრილს) და ვშუშავთ - თუ წვნიანი გსურთ, 5 წუთიც საკმარისია. თუ შედარებით მშრალი - იქამდე, სანამ პამიდორის წვენი არ ამოშრება.

ბოლოს ვამატებთ გაროხს. ვანელებთ მარილით, მწვანილეულითა და სუნელებით სურვილისდა მიხედვით, ვაჩერებთ კიდევ 3-4 წუთი. სცადეთ ცოტაოდენ-კეფირ-მოსხმულიც - პიკანტურ გემოს აძლევს. ასევე უნდა იცოდეთ, რომ კერძის მომზადებსათვის დააახლოებით 1 სთ -დან - 1.30 მდე დაგჭირდებათ, დამოკიდებულია რა სახის ხორცი გაქვთ.

ინგრედიენტები 2 პორციაზე:

300-400 გრამი საქონლის ხორცი (უძვლო, აპკებისგან გასუფთავებული)

200-250 გრამი დაჭრილი შამპინიონები (დაკონსერვებული)

2 საშუალო ზომის ბულგარული წიწაკა

200 გრამი ბარდა

1 ქილა დაჭრილი პამიდორის კონსერვი

1 დიდი თავი ხახვი

1-2 კბილი ნიორი

მწვანილეული - სურვილით.

მარილი, ტომატი, ხმელი სუნელი, ხმელი ქინძი და ორეგანო - გემოვნებით.

კეფირი - ასევე სურვილის და მიხედვით; ასევე გემოვნებით

მისაყოლებლად რეკომენდირებული ღვინო: რქაწითელი