შემწვარი წიწილა ღვინის სოუსით

მასალა:

1-2 საშუალო ზომის წიწილა

2 სუფრის კოვზი ქათმის ცხიმი ან კარაქი

60-100 გრამი კუბიკებად დაჭრილი ღორის ქონი

8 თავი საშუალო ზომის ხახვი

125 გრამი შამპინიონი

1 არყის ჭიქა კონიაკი

½ ლიტრი წითელი ღვინო

1 ცალი დაფნის ფოთოლი

1 კბილი ნიორი

1 სუფრის კოვზი ფქვილი

მარილი, პილპილი

თითო მომზადებული წიწილა დავყოთ 4 ნაწილად, და შევბრაწოთ საკმაო რაოდენობის ცხიმში. შემწვარი ნაჭრები გადმოვიღოთ ტაფიდან, მასში კი მოვათავსოთ კუბიკებად დაჭრილი ღორის ქონი, 2 თავი მცირე ზომის ხახვი, წვრილად დაჭრილი შამპინიონი და დანაყილი ნიორი. ყველაფერი ერთად მსუბუქად მოვშუშოთ. შემდეგ ტაფაში ისევ მოვათავსოთ ხორცის ნაჭრები, ჩავასხათ კონიაკი, მოვაყაროთ ფქვილი, დავამატოთ დაფნის ფოთოლი, დარჩენილი ხახვი. ყველაფერი ერთად კარგად ავურიოთ და დავამატოთ წითელი ღვინო. დავამატოთ მარილი და პილპილი. შემდეგ ხორცი ამოვიღოთ, სოუსს კი ვაცალოთ ნახევრად აორთქლება. ეს სოუსი მოვასხათ ცხელ ხორცს და მივიტანოთ სუფრაზე.