• თბილისი
  • 32°C
  • 16 ივნისი, 2019
article

წულუკიანი თინა ბოკუჩავაზე: უსაფუძვლო განცხადებებს აკეთებს და ამავე დროს, ძალიან ლამაზი ქალია

„თინა ბოკუჩავას ილუზიებზე არ ვაკეთებ კომენტარს“, - ასეთია თეა წულუკიანის პასუხი „ენმ“-ის წევრის განცხადებაზე იმის შესახებ, რომ იუსტიციის მინისტრი ფლობს გარკვეულ ინფორმაციებს გახმაურებულ საქმეებზე, რითიც ბიძინა ივანიშვილს აშანტაჟებს.

თეა წულუკიანმა ბოკუჩავას „ძალიან ლამაზი ქალი“ უწოდა. 

„მე ის ნამდვილად ვიცი, რომ ქალბატონი თინა ძალიან ბევრ უსაფუძვლო განცხადებებს აკეთებს და ამავე დროს ის ძალიან ლამაზი ქალია. ეს ვიცი. ეს არის მისი ინტერპრეტაციები და მას სჭირდება, რომ რაღაცნაირად პოლიტიკური განცხადებები აკეთოს. და აკეთებს ამ განცხადებებს და ჩემგან რა არის მოთხოვნილი, რომ მის ილუზიებზე ვაკეთო კომენტარები,“ - განაცხადა თეა წულუკიანმა.

თინა ბოკუჩავას განცხადებით, თეა წულუკიანი ფლობს ისეთი სახის ინფორმაციებს, როგორიც არის ეროსი კიწმარიშვილის ბურუსით მოცული მკვლელობა, „რუსთავი 2“ -ის საქმე და ვანო მერაბიშვილის საკნიდან ფარულად გამოყვანა.