• თბილისი
  • 9°C
  • 17 დეკემბერი, 2017
article

დღეს საქართველოს რაგბის კავშირის ახალ პრეზიდენტს აირჩევენ

დღეს 1 საათის დაგვიანებით დაიწყო „ქორთიარდ მარიოტში“ რაგბის  კავშირის საერთო კრება, სადაც კავშირის პრეზიდენტი უნდა აირჩიონ. კრებას პრეზიდენტობის ორივე კანდიდატი ესწრება, - გოჩა სვანიძემ და ილია ზედგინიძემ მედიასთან საკუთარი პოზიციები დააფიქსირეს. დღეს არჩეული პრეზიდენტი რაგბის კავშირს 4 წლით უხელმძღვანელებს.

ორივე კანდიდატმა მედიასთან საუბრის დროს განაცხადა, რომ ღირსეული კონკურენტები ჰყავთ, თუმცა აქ შეკრებილმა დელეგატებმა უნდა აირჩიონ რაგბის განვითარების შემდგომი, 4 წლიანი გეგმა.

„გაგრძელდება რაგბის განვითარება აუცილებლად ჩემი არჩევის შემთხვევაში. გაიმარჯვებს ის, ვისი აზრიც უფრო მეტად მოსწონს რაგბის სამყაროს“,- განაცხადა საქართველოს რაგბის კავშირის პრეზიდენტობის კანდიდატმა გოჩა სვანიძემ.

ხოლო კავშირის მეორე პრეზიდენტობის კანდიდატი - ილია ზედგინიძე აღნიშნავს, რომ სარაგბო არჩევნებში არანაირი სამთავრობო ძალა არ ერევა და გადაწყვეტილება თემმა დამოუკიდებლად უნდა მიიღოს.

„ჩემი აზრით, არანაირი ნიშნები არ არის იმისი, რომ რაიმე ძალა ერევა (სამთავრობო მხარე მაქვს მხედველობაში), სარაგბო არჩევნებში და კიდევ ერთხელ ვაფიქსირებ სრულიად ქართული სარაგბო ოჯახის, სარაგბო თემის ერთიან დამოკიდებულებას. ეს გადაწვეტილება უნდა იქნეს მიღებული სარაგბო თემის მიერ“, - განაცხადა ზედგინიძემ.

ყრილობას ასევე ესწრება სპორტისა და ახალგაზრდობის საქმეთა მინისტრის მოადგილე - შალვა გოგოლაძე, რომელმაც ჟურნალისტებთან საუბარში განაცახადა, თუ რომელიმე კანდიდატმაც უნდა გაიმარჯვოს დღეს, ამისდა მიუხედავად სახელმწიფო განაგრძობს რაგბის დახმარებასა და დაფინანსებას.

თითოეულ კანდიდატს 15 წუთიანი რეგლამენტი აქვს გამოყოფილი, ხოლო ამის შემდეგ დაიწყება ხმის მიცემის პროცედურა, რომელიც ფარული იქნება.