• თბილისი
  • 35°C
  • 22 აგვისტო, 2017
article

სუიციდი ფოთში - ახალგაზრდა ქალი მე-7 სართულიდან გადმოხტა

ფოთში, ჯუღაშვილის ქუჩაზე მდებარე საერთო საცხოვრებელი კორპუსის მე-7 სართულიდან 35 წლის ქალი გადახტა. ჯერჯერობით უცნობია, რამ უბიძგა ახალგაზრდა ქალბატონს სუიციდისკენ.

ადგილზე მობილიზებული იყო სასწრაფო-სამედიცინო დახმარებისა და საპატრულო პოლიციის ბრიგადები.

ექიმების განცხადებით, ადგილზე მისულ ბრიგადას ქალბატონი უკვე გარდაცვლილი დახვდა.

Prime Time შინაგან საქმეთა სამინისტროს დაუკავშირდა. უწყებაში მომხდარს ადასტურებენ და განმარტავენ, რომ აღნიშნულ ფაქტთან დაკავშირებით გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.