• თბილისი
  • 21°C
  • 27 მაისი, 2017
article

ვინ ცდილობდა ილია მეორეს მოწამვლასა და ვის ამზადებდნენ მომავალ პატრიარქად?

სახელმწიფო დაცვის სპეციალური სამსახურის უფროსმა ანზორ ჩუბინიძემ დაადასტურა, რომ საპატრიარქოს ქონების მართვის სამსახურის ხელმძღვანელი, მამა გიორგი მამალაძე დაკავებულია.

„სხვა დეტალებზე ვერ ვისაუბრებ და უმჯობესია ამაზე შესაბამისმა უწყებებმა გააკეთონ განცხადება“, - განაცხადა ანზორ ჩუბინიძემ და აღნიშნა რომ: „ამ ეტაპზე მას მხოლოდ იმის თქმა შემიძლია, რომ მამა გიორგი მამალაძე დაკავებულია“.

არსებული ცნობით, მამა გიორგი მამალაძის საქმეს გრიფით „საიდუმლო“ ადევს. თუმცა, ცნობილია ისიც რომ  საქმეზე ასევე დაიკითხა პატრიარქის დაცვის უფროსი, სოსო ოხანაშვილი. 

შეგახსენებთ რომ რამდენიმე წუთში პატრიარქს გერმანიის ერთ-ერთ კლინიკაში ოპერაციას გაუკეთებენ. პარალელურად კი, ინტენსიურად ვრცელდება ინფორმაცია იმის შესახებ, რომ ილია მეორეს მოწამვლას ცდილობდნენ.

ამ ვერსიის მიხედვით, ჯერჯერობით გაურკვეველი ძალები პატრიარქის მოწამვლასა და მის ნაცვვლად თავისი კანდიდატის აღსაყდრებას აპირებდნენ.