• თბილისი
  • 29°C
  • 23 სექტემბერი, 2017
article

ევროპულმა კომისიამ ხელისუფლებას ქსენოფობიურ მედიასაშუალებებთან კონტრაქტის გაუქმება სთხოვა

ევროპულმა კომისიამ რასიზმისა და შეუწყნარებლობის წინააღმდეგ (ECRI) საქართველოს შესახებ გამოქვეყნებულ მოხსენებაში ხელისუფლებას რეკომენდაცია მისცა გააუქმოს კონტრაქტები ქსენოფობიურ მედია ორგანიზაციებს.

"ECRI იძლევა რეკომენდაციას, რომ ხელისუფლებამ გადახედოს მის კონტრაქტებს მედია საშუალებებთან და გააუქმოს, ან აღარ განაახლოს ისინი, თუ მედია შეიმჩნევა რასისტულ ან ჰომო/ტრანსფობიულ სიძულვილის ენის გამოვლენაში. ხელისუფლებამ ასევე უნდა უზრუნველყოს, რომ მომავალი კონტრაქტები შეიცავდნენ დათქმას კონტრაქტის გაუქმების შესახებ, თუკი მედიაში გამოვლინდება რასისტული ან ჰომო/ტრანსფობიური სიძულვილის ენა", - ნათქვამია ანგარიშში.

ანგარიში მედიის განვითარების ფონდის მოპოვებული ინფორმაციაა მოტანილი, სადაც ნათქვამია, რომ 2013-14 წლებში "ობიექტივმა" მიიღო, სულ მცირე, 25 000 აშშ დოლარი, ხოლო გაზეთებმა "ალიამ" და "კვირის პალიტრამ" ერთად დაახლოებით 20 000 აშშ დოლარამდე სამინისტროებისა და სახელმწიფო სტრუქტურებისაგან სარეკლამო კონტრაქტებისა და სხვა ხელშეკრულებათა სახით.