• თბილისი
  • 27°C
  • 29 მაისი, 2017
article

იან კელი: "დემოკრატიულ საზოგადოებაში რელიგიური დაპირისპირება არ უნდა ხდებოდეს"

ამერიკის შეერთებული შტატების ელჩის საქართველოში იან კელის განცხადებით, ადიგენში რელიგიურ ნიადაგზე მომხდარ დაპირისპირებასთან დაკავშირებით, მას ინფორმაცია არ აქვს.

დიპლომატის თქმით, მსგავს შემთხვევებს ადგილი არ უნდა ჰქონდეს დემოკრატიულ და ინკლუზიურ საზოგადოებაში, საითკენაც საქართველო მიისწრაფის.

„არ ვიცი ამ ინციდენტის შესახებ, მაგრამ ერთ ვიტყვი, რომ მსგავს შემთხვევებს ადგილი არ უნდა ჰქონდეს დემოკრატიულ და ინკლუზიურ საზოგადოებაში, საითკენაც მიისწრაფის საქართველო. მსგავსი ინციდენტები ხელს ვერ შეუწყობს დემოკრატიის განვითარებას და ეს არც მთავრობას და არც საზოგადოებას არ აწყობს“, - განაცხადა კელიმ.

ადიგენის რაიონის სოფელ ადიგენში რელიგიურ ნიადაგზე დაპირისპირება მოხდა. მუსლიმებსა და ქრისტიანებს შორის ფიზიკური შეხლა-შემოხლის მიზეზი სასაფლაოები გახდა. სოფელში, სადაც 100 კომლიდან 20-ზე მეტი აჭარიდან გადმოსახლებული მუსლიმია, სასაფლაოს პრობლემა წლებია, აქვთ. გარდაცვლილები გასულ წლებში აქ ეზოებში დაასაფლავეს, შარშან კი ერთ–ერთი მუსლიმი მეზობელ სოფელში გადაასვენეს, რადგან ქრისტიანებმა სასაფლაოზე, თავისუფალ ადგილზე მისი დასაფლავება გააპროტესტეს.