• თბილისი
  • 17°C
  • 19 ოქტომბერი, 2017
article

გია გაჩეჩილაძე: “რუხაძემ მითხრა, რომ ყველანაირად დამიდგებოდა გვერდში"

ტელეკომპანია “მაესტროს” საკონტროლო პაკეტის მფლობელი გია გაჩეჩილაძე ადასტურებს, რომ მას ბადრი პატარკაციშვილის ოჯახის ქონების განმკარგავი გიორგი რუხაძე დაეხმარა.

“რუხაძემ მითხრა, რომ ყველანაირად დამიდგებოდა გვერდში და ერთად შევეცდებოდით გადაგვერჩინა “მაესტრო” და მისი ძალიან დიდი მადლობელი ვარ”, – განაცხადა გაჩეჩილაძემ. 

მისი თქმით "მაესტროს" ამჟამინდელი რეიტინგი არავის აკმაყოფილებს და მას სურს ყველამ ერთად გააკეთოს კარგი ტელევიზია.

“ისინი, ვინც წილი ჩემს სასარგებლოდ დათმო, ადამიანები ჩემთან ერთად არიან. დათმო ლევან ჩიკავიძემ, გიორგი ებრალიძემ. ამ ეტაპზე 5-მა კაცმა დათმო  და კიდევ  მიდის მოლაპარაკებები, პროცესი ჯერ არ დამთავრებულა“, – აღნიშნა მომღერალმა.

გაჩეჩილაძემ აღნიშნა, რომ ტელეკომპანიის ახლანდელი დირექტორი ბაია გადაბაძე მისი მეგობარია და ეცდება მასთან საერთო ენა გამონახოს. 

„ის შეიძლება დირექტორის სტატუსით არ დარჩეს, მაგრამ დარჩეს სხვა სტატუსით, მე ამას არ გამოვრიცხავ”, – განაცხადა ტელეკომპანიის საკონტროლო პაკეტის ახალმა მფლობელმა.