• თბილისი
  • 21°C
  • 27 მაისი, 2017
article

სინოპტიკოსები უახლოეს დღეებში, თოვლთან ერთად ყინვას პროგნოზირებენ

სინოპტიკოსები უახლოეს დღეებში თოვლთან ერთად, მთელი ქვეყნის მასშტაბით ყინვას პროგნოზირებენ. ვარაუდობენ, რომ აღმოსავლეთ საქართველოს როგორც მთიან ნაწილში, ასევე ბარში, ზოგიერთ რაიონში ყინვა 10 გრადუსამდეც დაეცემა.

ნალექის გამო საავტომობილო გზების დეპარტამენტმა რამდენიმე მონაკვეთზე შეზღუდვებიც დააწესა:

ყველა სახის ტრანსპორტის მოძრაობა აკრძალულია გუდაური-კობის მონაკვეთზე; გადაადგილება აიკრძალა ორმისაბმელიანი და ნახევრად მისაბმელიანი ტრანსპორტისთვის ჩუმათელეთის, ხევის, არაგვისპირის, ლარსის მონაკვეთებზე, ასევე ნაქერალას უღელტეხილზე,  ხოლო მლეთა-გუდაურისა და ლახამურა-უშგულის მონაკვეთებზე მანქანებს მოცურების საწინააღმდეგო ჯაჭვები დასჭირდებათ.