• თბილისი
  • 11°C
  • 18 ნოემბერი, 2017
article

ექიმი შენაქოდან, რომელიც თუშეთის საოცარ ფოტოებს გვთავაზობს

"თუშეთის გზა 12-დან 7 თვე გადაკეტილია. ზამთარში იქ ცხოვრება - ექსტრემალური სპორტია. მხოლოდ მესაზღვრეების ცვლების გადაბარების დროს მიფრინავს თვეში ერთხელ სპეციალური ვერტმფრენი, რომლის მეშვეობითაც შეიძლება მცირე რაოდენობის საკვების გაგზავნა თუშეთში.

სოფელ შენაქოში მხოლოდ 3 ადამიანი ცხოვრობს, ერთ-ერთი ელდარ ბუქვაიძეა (72 წლის). ზაფხულში ვიყავი მის ოჯახში სასტუმროში და მაშინ გავიცანი.


ადგილობრივები ექიმად მოიხსენიებენ, კარგად ერკვევა ხალხურ მედიცინაში, დაინტერესებულია მცენარეების სამკურნალო თვისებებით და აგროვებს მათ. კულინარიაც ძალიან უყვარს და მშვენიერი თუშურ ხინკალს ამზადებს (მეც მასწავლა და მომახვევინა!).

ყველაზე გასაოცარი ისაა, რომ ელდარს იქ აქვს ფოტოაპარატი, კომპიუტერი და ინტერნეტი! ფეისბუქის მოხმარებაც მარტივად ისწავლა და უნიკალურ კადრებს იღებს და დებს თავის ალბომში. ყოველი მისი ახალი სტატუსი ძალიან მიხარია, გეგონება პირდაპირი ჩართვაა ლამაზი და მისტიური სამყაროდან, სადაც სხვანაირად ვერანაირად მოხვდები.

ამ შობა დღეს სოფელში მცხოვრებ 3 ადამიანს ერთად გაუშლია სუფრა და აღნიშნავენ შობას თუშური ხინკლით და სხვა ადგილობრივი პროდუქტით. საოცარი ამბავია!"- ამ ისტორიას ბარბარა ხარხელი ავრცელებს.

იმედია, ბატონო ელდარი არც ჩვენ გვიწყენს ამ ამბის გასაჯაროებას.

გთავაზობთ მის მიერ შენაქოში გადაღებულ ფოტოებს: