რეკლამა Presa.ge-ზე: 599 877 901
სპეციალური ფასები
სარეკლამო ადგილი - 82
252 x 100
სარეკლამო ადგილი - 105
200 x 240
"არ გაქვს უფ­ლე­ბა იყო მე­რი" - და­ვით ნარ­მა­ნი­ას ახალ­გაზ­რ­დე­ბი სას­ტუმ­როს გახ­ს­ნა­ზე დახ­ვ­დ­ნენ
ირაკ­ლი სე­სი­აშ­ვი­ლი სო­ფელ შილ­დ­ში ამომ­რ­ჩე­ველს შეხ­ვ­და
"წარ­მა­ტე­ბუ­ლი გლე­ხი, ფერ­მე­რი, მო­ქა­ლა­ქე ჩვე­ნი მხა­რის წარ­მა­ტე­ბის გა­რა­ან­ტი­ა­ა"
და­ვით ნარ­მა­ნია გუ­შინ­დელ ინ­ცინ­დენ­ტ­თან და­კავ­ში­რე­ბით ბო­დიშს იხ­დის
ყველა სიახლე
 კალენდარი
ორშ სამშ ოთხ ხუთ პარ შაბ კვ
1234567
891011121314
15161718192021
22232425262728
2930311234
ამინდი
  თბილისი19°-32°
  ქუთაისი22°-32°
  ბათუმი23°-25°
"ტრეფიკინგის მსხვერპლი ბავშვების რაოდენობა გაცილებით დიდია, ვიდრე ამას სახელმწიფო აფიქსირებს"

13:17 08.01.2016
[“პრესა.ჯი“]
2015 წლის დეკემბრის ბოლოს ქუჩაში მცხოვრებ და მომუშავე ბავშვს, 13 წლის ქრისტინას ავტომობილი დაეჯახა. გოგონა გარდაიცვალა. თუმცა ეს ტრაგიკული შემთხვევა სახელმწიფოსა და საზოგადოების დიდი ნაწილის ყურადღების მიღმა დარჩა.

დღეს საქართველოში ქუჩაში მცხოვრები და მომუშავე ბავშვთა რაოდენობა დიდია, თუმცა, სახელმწიფო რატომღაც თვალს ხუჭავს ამ საკმაოდ სერიოზულ პრობლემაზე.


„დავიხსნათ ბავშვები მონობისგან“- ამ სლოგანით 32-მა არასამთავრობო ორგანიზაციამ  წამოიწყო კამპანია, რომლის მიზანიცაა  სათანადო მოქმედებათა განხორციელება ამ სფეროში. მათ მოუწოდეს სახელმწიფოს ბავშვთა დაცვის პოლიტიკის შექმნისკენ.

არასამთავრობო ორგანიზაცია „პარტნიორობა ადამიანის უფლებებისათვის“, რომელიც ერთობლივი განცხადების ერთ-ერთი ხელმომწერია, წარმომადგენელმა ანა არგანაშვილმა Presa.ge-სთან ქუჩაში მცხოვრებ და მომუშავე ბავშვების უფლებების დაცვის აუცილებლობისა და ამ საკითხში საზოგადოების ჩართულობის მნიშვნელობის შესახებ ისაუბრა.

- ანა, თუ არსებობს სტატისტიკური მონაცემები, რომელიც ასახავს ქუჩაში მცხოვრები და მომუშავე რამდენი ბავშვია დღეს საქართველოში?

-  სამწუხაროდ, ჩვენ გვაქვს ძალიან მოძველებული სტატისტიკა. 2008 წელს, როცა ჩატარდა კვლევა, საქართველოს მხოლოდ ოთხ ქალაქში იყო 1500 ასეთი ბავშვი. ამის შემდეგ კვლევა არ ჩატარებულა. ვფიქრობთ, რომ თუ კვლევა ჩატარდება, ძალიან მაღალი სტატისტიკა დაიდება, გაცილებით მაღალი, ვიდრე 2008 წელს. შესაბამისად,  სამთავრობო უწყებები, ჩემი აზრით, ამ მიზეზით იკავებენ თავს კვლევის ჩატარებისგან.

- ხშირია შემთხვევები, როცა ქუჩაში მომუშავე ბავშვებს მშობლები ან სხვა პირები აიძულებენ ასე მოქცევას. ამ შემთხვევაში თუ არსებობს ბერკეტი მათ დასაცავად?


- საქართველოს კანონმდებლობაში, ასევე გაეროს ბავშვთა უფლებების კონვენციაში არსებობს  ჩანაწერი, რომ იმ შემთხვევაში, თუ თავად მშობელი ბავშვს აიძულებს ჩაერთოს ანტისაზოგადოებრივ ქმედებაში, ტრეფიკინგში ან რაიმე დანაშაულებრივ ქმედებაში, უნდა შეისწავლონ მშობელი თავად თუ არღვევს ბავშვის უფლებას და სახელმწიფო აუცილებლად უნდა დადგეს ბავშვის უფლებების დასაცავად.  უნდა იყოს განხილული იმ მშობლის უფლებების საკითხი, რომელიც იწყებს ბავშვის უფლებების დარღვევას.

ის სამწუხარო პასუხი, რომელსაც ჩვენ სახელმწიფო უწყებები გვაძლევენ, მაგალითად ის რომ პატრული რომელსაც გამოვიძახებთ, ამბობს, რომ თავად მშობელი აძლევს უფლებას,  მე როგორ უნდა ჩავერიო, არის არაადეკვატური დამოკიდებულებაა და ბავშვთა უფლებებთან დაკავშირებული საკითხების არცოდნა.

- როგორ უნდა მოიქცეს საზოგადოება ამ შემთხვევაში? ხშირად ჩვენ ქუჩაში მომუშავე ბავშვებს ვაძლევთ ფულს და ვფიქრობთ, რომ ეს დახმარებაა, ხომ არ არის ეს ასეთი საქმიანობის წახალისება?

- დიახ, სამწუხაროდ ჩვენ  ამით ხშირად წავახალისებთ და ვაძლიერებთ იმ მიზეზს, რის გამოც ამ ბავშვებს იყნებენ როგორც იარაღს და  რთავენ ანტისაზოგადოებრივ ქმედებაში.

ჩვენი ყველაზე მნიშვნელოვანი ბერკეტია მოთხოვნა სახელმწიფო უწყებების მიმართ. როგორც კი ბავშვს ქუჩაში  დავინახავთ, უნდა დავრეკოთ 15 05-ზე, 112-ზე პატრულთან და მოვითხოვოთ რეაგირება. როცა შევა საკმარისი ზარი და მოთხოვნა, სახელმწიფო აუცილებლად მიხვდება, რომ რესურსების გამოყოფა აუცილებელია.

დღესდღეობით სამწუხაროდ 1505 არ რეაგირებს, არ მუშაობს 6 საათის შემდეგ, რაც ყოვლად დაუშვებელია, ვინაიდან ამ სატელეფონო ხაზს ჰქვია ცხელი ხაზი. ეს კი ნიშნავს რომ უნდა მუშაობდეს 24 საათის განმავლობაში.

ეს არის ბავშვთა უფლებების დარღვევა უკვე სახელმწიფოს მხრიდან. მოქალაქეებმა უნდა გავაძლიეროთ კონტროლი სახელმწიფო უწყებებზე, რომლებიც თავიანთი პასიურობით ხელშემწყობი არიან ბავშების უფლებების დარღვევის და თვითონვე არღვევენ მათ უფლებებს.

- არსებობს რაიმე თავშესაფარი ბავშვებისთვის, რომელთა უფლებებიც ასე უხეშად ირღვევა?


-  თავშესაფარი არსებობს, მაგრამ ეს არის მხოლოდ ერთი კომპონენტი. თუ ამ ბავშვებთან არ იქნება კომპლექსური მუშაობა, თუ მათზე არ შეწყდება ძალადობა და მშობლების ან სხვა პირების მხრიდან ზეწოლა, რომლებიც მას რთავენ ნებას ჩაერთონ ამ საქმიანობაში, რა თქმა უნდა ეს არ შეწყდება.

დღეს  ფაქტობრივად გამოდის, რომ ჯანდაცვა თავისთვის ხსნის თავშესაფრებს, განათლების სამინისტრო არანაირ ზომებს არ იღებს, მხოლოდ იუსტიციის სამინისტრო კიდევ დამოუკიდებლად აპირებს ამ სფეროში რაღაცის გაკეთებას. არის სრული დისკოორდიაცია და ზუსტად ამიტომ არაეფექტურია რაც კეთდება ქუჩაში მყოფი და მომუშავე ბავშების დასახმარებლად.

- რამდენად მნიშვნელოვანია სახელმწიფოსთვის ამ საკითხის მოგვარება?

- ძალიან მნიშვნელოვანია. საუბარია ათასობით ბავშვზე. ამერიკის სახელმწიფო დეპარტამენტის ანგარიშებში კი ვნახულოთ ჩანაწერს, რომ დღეს რეალურად რა ციფრსაც აფიქსირებს სახელმწიფო ტრეფიკინგის და იძულებით შრომაში ჩართული ბავშვების რაოდენობის შესახებ  არის საეჭვო. ვინაიდან ნებისმიერი უცხოელი ან ადგილობრივი ქუჩაში რომ გამოდის ხედავს უამრავ ბავშვს ასეთ მდგომარეობაში, შესაბამისად, ძალიან მნიშვნელოვანია ეს პრობლემა დაისვას იქ, სადაც უნა დაისვას. ჩვენ ვხედავთ რომ მთავრობის არცერთ სხდომაზე დღის წესრიგში ეს ბავშვები არ ფიგურირებენ, რაც აბსოლუტურად მიუღებელია.

- ანა, ანუ ძირითადი მესიჯები უნდა იყოს მაღალი საზოგადოებრივი ჩართულობა და სახლმწიფო უწყებების კოოდრინაცია?

- გარდა ამისა, ამ დანაშაულს უნდა დაერქვას თავის სახელი, ეს არ არის მხოლოდ სოციალური პრობლემა, როცა ბავშვს მათხოვრობას აიძულებენ. ჩვენ ვნახეთ, რომ ამას ბავშვი შეიძლება ემსხვერპლოს. როცა ქუჩაში მომუშავე ბავშვს ეჯახება მანქანა და კვდება და ეს ყურადღების გარეშე რჩება, დანაშაულია. ჩვენ მხოლოდ სოციალური პრობლემა არ უნდა დავუძახოთ ამას. ზრდასრული ადამიანი თუ თვითოინ აგებს პასუხს იმაზე რა დაემართება, ბავშვის შემთხვევაში ის არ არის დამნაშავე იმაში, რომ  ქუჩაში მოხვდა და მისი ბედი ვიღაცამ ამგვარად გადაწყვიტა.

ბეჭდვა  
კომენტარები:
დაამატე კომენტარი (მაქსიმუმ 2000 სიმბოლო) |

სახელი (მაქს. 20 სიმბოლო)

ელ–ფოსტა (არ გამოქვეყნდება)



გამოკითხვა
დღეს რომ საპარლამენტო არჩევნები იყოს, ვის მისცემდით ხმას?
  
ტოპ ათეული
1. ბათუმის პლაჟზე ახალგაზრდა გოგონა გარდაიცვალა
2. "ეს გოგო, რომლის ფოტოც დღეს პირველად ვნახე - აღარ გვყავს... ავარიამ იმსხვერპლა"
3. „რატომ ეთაყვანებით ამ მოქალაქეს, რა გაგიკეთათ? - ნათია კობერიძის მიმართვა მრევლს
4. "21 სექტემბერს ყველამ, სადაც არ უნდა იყოს, უნდა თქვას პატარა, მაგრამ ძლიერი ლოცვა“
5. ჩინელი მილიარდერი: რატომ რჩებიან ღარიბი ადამიანები ღარიბებად
6. ტესტი ქალებისთვის- რას ხედავ ფოტოზე - ციყვებს, გოგონას თუ შიშველ მამაკაცს?
7. როგორ მოიზიდოთ ფული და კეთილდღეობა - ვანგას საუკეთესო რჩევები
8. "მაგდა პაპიძემ დამირეკა, განწირული ხმა ჰქონდა.. მიყვებოდა თავის მარტოობის საკანზე"
9. ახალი გარემოება დაკარგულ სამხედროებზე - ერთ-ერთ მათგანს წვრთნების დროს ყურების ანთება ჰქონდა
10. ტიბეტური ჰოროსკოპი - გაიგე შენი მომავლის შესახებ - 97%-იანი სიზუსტით
სარეკლამო ადგილი - 83
252 x 60
რეკლამა საიტზე
ტელ.: (+995 32) 2-000-247
599 877-901