რეკლამა Presa.ge-ზე: 599 877 901
სპეციალური ფასები
 კალენდარი
ორშ სამშ ოთხ ხუთ პარ შაბ კვ
303112345
6789101112
13141516171819
20212223242526
272812345
ამინდი
  თბილისი-2°-9°
  ქუთაისი0°-11°
  ბათუმი0°-8°
დიდთოვლობა დასავლეთ საქართველოში - რა მდგომარეობაა ამ დროისათვის?

14:50 05.01.2016
["პრესა.ჯი"]
რამდენიმე დღეა საქართველოში დიდთოვლობას ებრძვიან. თოვლმა განსაკუთრებით ზღვისპირეთი და მაღალმთიანი რეგიონები დააზარალა. იმის გასარკვევად თუ რა მდგომარეობაა ამ დროისათვის, Presa.ge მუნიციპალიტეტების წარმომადგენლებს დაუკავშირდა.

ზუგდიდის მუნიციპალიტეტის საზოგადოებასთან ურთიერთობის სამსახურში გვიპასუხეს, რომ სოფლებთან დამაკავშირებელი გზები მუნიციპალიტეტის მიერ გაიწმინდა, თუმცა ხელმეორედ მოსულმა ნალექმა აუცილებელი გახადა დამატებითი სამუშაოები. მუნიციპალიტეტში ტექნიკა ახლაც მუშაობს და ინტენსიური გაწმენდითი სამუშაოები მიმდინარეობს, მძიმე შეფერხებები და ჩახერგილი გზები არ არის.

რაც შეეხება ელექტროენერგიის პრობლემას, ზუგდიდში "ენერგო პრო ჯორჯიას" მუშაობის შედეგად ისიც აღმოფხვრილია. როგორც ცნობილია, ინტენსიურად იწმინდება მაღალი ზონის სოფლები ჭკადუაში, ჭაქვინჯი, ზემოჩხორია, ტყაია. სოფელ ჭაქვინჯის გარკვეულ უბნებში თოვლის საფარმა 1 მეტრს მიაღწია. რამდენიმე პირი მაღალი ზონის სოფლებიდან საავადმყოფოშია გადაყვანილი.

ჯერ ზუსტად არაა დათვლილი რა მოცულობის ზიანი მიადგა მუნიციპალიტეტს დიდთოვლობის გამო. ზუგდიდში ამ დროისთვის არ თოვს.

ბათუმის მერიის ინფორმაციით კი, 5 იანვარს, დღის მეორე ნახევრიდან ქალაქში მუშაობას განაახლებს სპეციალური ტექნიკა. ამ დროისთვის კი გაწმენდილია ყველა ცენტრალური ქუჩა და იწმინდება მელაშვილის, მაზნიაშვილის, ზუბალაშვილის, მახარაძის, ლერმონტოვის ქუჩების დარჩენილი მონაკვეთები.

ქალაქში მთელი ღამის განმავლობაში მუშაობდა სპეციალური ტექნიკა. ასევე გრძელდება მოტეხილი ტოტების შეგროვება-გატანის სამუშაოები. სამუშაოები მიმდინარეობს ბათუმის ბულვარშიც.

დაზიანებული წყალმომარაგება აღუდგათ ჩაქვის, ჩაისუბნის, მახინჯაურისა და თამარის დასახლებაში მცხოვრებლებს.

რაც შეეხება ელექტროენერგიას, ის შეუფერხებლად მიეწოდება მთელ ქალაქს. ამ დროისთვის ბათუმშიც უნალექო ამინდია.

მესტიის მუნიციპალიტეტში მთელი ღამის განმავლობაში სამეგრელო-ზემო სვანეთის მუნიციპალიტეტების ცენტარლურ და შიდა გზებზე თოვლისგან გაწმენდითი სამუშაოები მიმდინარეობდა.

მესტიის მაჟორიტარი დეპუტატის ბიუროს ხელმძღვანელის ლევან ჯაფარიძის ინფორმაციით, ტექნიკა იქ ამწუთებშიც მუშაობს და სამუშაოები მთელი დღე გაგრძელდება. მანვე გვითხრა, რომ მესტიაში არ თოვს, თუმცა მოღრუბლული ამინდია.

უკვე აღდგენილია მოძრაობა მესტიის მიმართულებით. ზუგდიდი-ჯვარი-მესტია-ლასდილის საავტომობილო გზის ჯვარი-ხაიშის მონაკვეთზე. იქ დასაშვებია ორი და მეტი წამყვანი ხიდის მქონე ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა აკრძალულია. ამავე გზის კმ71-კმ188 (ხაიში-უშგული) მონაკვეთზე ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია.

ბეჭდვა  
კომენტარები:
დაამატე კომენტარი (მაქსიმუმ 2000 სიმბოლო) |

სახელი (მაქს. 20 სიმბოლო)

ელ–ფოსტა (არ გამოქვეყნდება)



გამოკითხვა
დღეს რომ ადგილობრივი თვითმმართველობის არჩევნები იყოს, რომელ ოპოზიციურ პარტიას დაუჭერდით მხარს?
  
ტოპ ათეული
1. ექსკლუზივი: "კარფური" კულისებში... (სკანდალური ფოტოები)
2. “ამ ტრაგედიის შემდეგ შორენა თეთრუაშვილმა ეკლესიას მიაშურა და პატრიარქის მდივანი გახდა”
3. "პატრიარქის მარჯვენა ხელს ციხეში უკრავენ თავს..." - რა იწინასწარმეტყველა ლელა კაკულიამ საპატრიარქოზე?
4. ანუკი არეშიძე: "გამხდარი ქალები აღარ არის მოდაში"
5. მკვლელობის მომზადება თუ სპეც ოპერაცია, სკანდალური აუდიო ჩანაწერის გადასაფარად?
6. "მთელი სამღვდელოება გაოგნებულია... იმედი მაქვს, მამა გიორგის ეს ბრალდება მოეხსნება"
7. "ორი ძალიან მნიშვნელოვანი მოვლენაა ამ კვირაში... მორიელებს უნდა მივულოცო "
8. თვითმარქვია პატრიარქი?! - საიდუმლო მასალები არქივიდან, ილია მეორეზე
9. "სიმსივნის დიაგნოზით და სასწრაფო ქირურგიული ჩარევის აუცილებლობით ორი თვე ვიარე აღმა-დაღმა"
10. დაპირისპირება სამღვდელოებაში: "მეუფე იაკობი კაცის მკვლელია"
სარეკლამო ადგილი - 83
252 x 60
სარეკლამო ადგილი - 29
468 x 60
რეკლამა საიტზე
ტელ.: (+995 32) 2-000-247
599 877-901