მსახიობი და ტელეწამყვანი შორენა ბეგაშვილი ამერიკულ „ფლეიბოიში“ გადაღებაზე უარს ამბობს. 

„პრესა.ჯი“-სთან საუბრისას მოდელმა განაცხადა, რომ მას ჰქონდა შეთავაზება ამერიკული „ფლეიბოისგან“, თუმცა პირობები მისთვის მისაღები არ იყო. 

„პრესა.ჯი“:  როდის მიიღეთ შეთავაზება ამერიკული „ფლეიბოისგან“, რომ ჟურნალისთვის ფოტოები გადაეღოთ? 

შორენა ბეგაშვილი: მქონდა შემოთავაზება კომპანიის წარმომადგენლებისგან.  გავაგზავნე კიდეც ჩემი მონაცემები, ფოტოები და მოეწონათ, თუმცა რაღაცეები მე არ მომეწონა. 

- რაზე ვერ შეთანხმდით კომპანიასთან? 

- ყველაფერს ბუნებრივია, რომ ვერ ვიტყვი. არის საკითხები, რომელიც ვერ გახდება საჯარო. ბოლომდე უარი არ მითქვამს, თუმცა ალბათ ასე იქნება. არ აქვს არსებითი მნიშვნელობა ფოტოს ვინ გადამიღებს და ა.შ.  თუმცა საკონტრაქტო პირობებში „რაღაცეები“ არ მომეწონა. 

- ამჟამად რას საქმიანობთ, როგორც ვიცით ახალ ფილმში უნდა გადაგიღონ... 

- დიახ. უახლოეს გეგმებში შედის ერევანში წასვლა, სადაც ფილმის გადაღებაა. ეს არის ქართულ-სომხური პროექტი. გადაღებები ათი დღის განმავლობაში გაგრძელდება. შემდეგ დავრუნდები საქართველოში. 

- სად დაისვენებთ? 

- ჯერ არ მაქვს გადაწყვეტილი თუ სად წავალ. დასვენებაც არ მექნება ხანგრძლივი.