1. ვერძი არ აცდის თამადას არაფრის თქმას, ასწრებს სათქმელს, სვამს და ორ წამში ერთხელ იმეორებს "გაშრა ყელი, გაშრა".

2. კურო სუფრის გაშლამდე ნარდს თამაშობს. თან ცდილობს დაინახოს, სად ჩადგამს დიასახლისი (სავარადუოდ კირჩხიბი) ხაჭაპურის თეფშს, იქ რომ დაჯდეს.

3. ტყუპები მერწყულს ელაპარაკება მატრიცულ ამოცანებზე უმაღლეს მათემატიკაში, თან ფეისბუქს არეფრეშებს და პარალულურად ისმენს მშვილდოსნის სასიყვარულო თავგადასავლებს.

4. კირჩხიბი სამი ჭიქის მერე, იღებს მობილურს, ნახულობს 4-5 წლის წინანდელ მესიჯებს და თვალები უცრემლდება სიყვარულის სადღეგრძელოზე. გადაწყვეტს სახლში რომ მივა, კიდევ ერთხელ უყუროს “ტიტანიკს”.

5. ლომი ყველას გასაგონად იძახის “აქედან ყველანი მივდივართ ჩემთან დაჩაზე “
("დაჩას" ორჯერ იმეორებს )

6. ქალწულმა დაახლოებით სამი ლიტრა უკვე დალია, მარა არაფერი ეტყობა. მიმიკები მწყობრში აქვს, ზიზღით უყურებს როგორ იტენის კურო ხაჭაპურს.

7. სასწორმა კიდევ ვერ მოიფიქრა, რომელი სალათა გადაიღოს, (აიშალა უკვე ხალხი ) რადგან აქამდე იმითი იყო დაკავებული, გადაეწყვიტა "სალფეტკი" მუხლზე დაეფინა თუ უბრალოდ, თეფშის გვერდით სდებოდა. 

8. მორიელს სამი ჭიქის შემდეგ ახსენდება რომ საწოლზე მიბმული დარჩა ვიღაც.

9. მშვილდოსანი ყველას მოუწოდებს რომ სამშობლოს სადღეგრძელოზე "ცვრიან ბალახზე ფეხშველებმა გაიარონ".

10. თხის რქა დაჯდომამდე კარგად მოათვალიერებს ყველას. რა საწყენია რომ მისი საქმიანი პარტნიორებიდან აქ არავინ არაა. იქნებ რომელიმე დაეთრო კიდეც და მათგან სასარგებლო ინფორმაცია ამოექაჩა. საათში ერთხელ ამოწმებს ბირჟაზე აქციების ფასს და დოლარის კურსს.

11. მერწყული ყვირის, ყველასი გადახდილიაო (ამაზე ლომი იბოღმება, როგორ ვერ მოიფიქრა თვითონ), თან თხის რქას გადაულაპარაკებს "ხელფასამდე ფული მასესხე".

12. თევზი ოციანის გვერდით ზის. ხანდახან წარმოიდგენს, რომ მის გვერდით, ბოცა კი არა, ადამიანია და უყვება როგორი მძიმეა მისთვის ცხოვრება ამ სასტიკ სამყაროში.

წყარო