ბიძინა ივანიშილი ბიბიტივის ანუ „მეცხრე არხის“ შემდეგ, ზონდერ სააგენტოს ხსნის. „ინფო 9“ - სწორედ ეს იქნება ახალი ამბების სააგენტოს ფორმალური სახელი. სააგენტო დაახლოებით ერთ თვეში დაიწყებს ფუნქციონირებას, თუმცა მისი მიზანი მხოლოდ ე.წ. ახალი ამბების სწრაფად და ოპერატიულად გავრცელება არ გახლავთ. 

„პრესა.ჯი“-მ მოიპოვა ინფორმაცია, რომ სააგენტოში ძირითადად კუთმაგარი ბიბი-ბიჭები დასაქმდებიან და ისინი ქვეყნის სხვადასხვა რაიონში გადანაწილდებიან.

ამ შემთხვევაში, „ბიბის“ სააგენტოში დასაქმებული პირს, არ არის სავალდებულო ჟურნალისტური გამოცდილება ჰქონდეს, რადგან მათი ძირითადი მიზანი რეგიონებსა და რაიონებში პროვოკაციიების მოწყობა უნდა იყოს.

ვითომ ექსკლუზიური ინფორმაციისა და ვიდეო-კადრების მოპოვების სურვილით შეპყრობილმა „ჟურნალისტებმა“ პროვოკაციები უნდა მოაწყონ სხვადასხვა სახელმწიფო სტრუქტურაში. ეს ყველაფერი კი ფირზე აღბეჭდონ და სოციალური ქსელების საშუალებით გაავრცელონ.

მეტიც, ამ საკითხზე უკვე მიმდინარეობს ახალგაზრდების მობილიზება და მათ „ტრენინგი“ „ქართუ ჯგუფის“ ოფისში, მე-13 სართულზე უტარდებათ. პროვოკაციების გაკვეთილებს კი „ჟურნალისტიკაში სახელგანთქმული და ანალიტიკური სტატიებით“ გამორჩეული ლაშა ნაცვლიშვილი ატარებს (ხუმრობით, რა თქმა უნდა, თორემ ლაშა ნაცვლიშვილს თავისი მწირი ბიოგრაფიის მანძილზე შეხება მხოლოდ უშიშროებასთან და „თეთრ ლექსებთან“ ჰქონდა და ახლა ის „ბიბის“ მათავრი მიუნჰაუზენია).

ინფორმაციის გადამოწმებას „პრესა.ჯი“ ბიბიტივის (მე-9 არხი) გენერალურ დირექტორთან კახა ბექაურთან და ლაშა ნაცვლიშვილთან შეეცადა. ჩვენთან საუბრისას კახა ბექაურმა მორცხვად დაადასტურა ინფორმაცია იმის შესახებ, რომ ნამდვილად იქმნება ე.წ. საინფორმაციო სააგენტო „ინფო 9“ ანუ ბიბინიუსი.

„მე არაფერ შუაში ვარ. ჩვენ აბსოლუტურად სხვა მედიასაშუალება ვართ. ეგ აბსოლუტურად სხვა ორგანიზაციაა და მათ მენეჯმენტს უნდა მიმართოთ. ჩვენ არ ვქმნით მაგ სააგენტოს. ეს ორი თანაბრად მნიშვნელოვანი და თანაბარუფლებიანი ორგანიზაციაა, ამიტომ მათ მენეჯმენტს დაელაპარაკეთ“,- განაცხადა ბექაურმა.

„პრესა.ჯი“ ასევე დაუკავშირდა ლაშა ნაცვლიშვილს, რომელმაც ეს ინფორმაცია უარყო და განაცხადა, რომ მან ბიბინიუსის ანუ ზონდერ-ჯგუფების შექმნის შესახებ, არაფერი იცის.

სხვათაშორის, ნაცვლიშვილს სჩვევია ცრუპენტელობა. მაგალითად, როცა რამდენიმე დღის წინ „პრესა.ჯი“-მ ჰკითხა - მიყიდა თუ არა, მან არაყიშვილზე მდებარე სახლი კახი კალაძის მამას 2 მილიონ 500 ათას დოლარად, ხელები გაასავსავა და ეს ინფორმაცია კატეგორიულად უარყო. ხოლო როცა ვუთხარით, რომ ამ ფაქტს თავად კარლო კალაძე ადასტურებდა, ბიბის მიუნჰაუზენი იძულებული გახდა სიმართლე დაეფქვა...

„პრესა.ჯი“: თქვენ ხელმძღვანელობთ ჯგუფს, რომელიც რამდენიმე კვირის წინ შეიქმნა, რომლებიც რეგიონებში გადანაწილდებიან და დროდადრო პროვოკაციებსაც მოაწყობენ...

ლაშა ნაცვლიშვილი: ცდებით არაფერ შუაში ვარ და არც ვიცი რაზე მელაპარაკებით.

- ჩვენი ინფორმაციით, ეს შეხვედრები ქართუ ჯგუფის ოფისში, მეცამეტე სართულზე ინტენსიურად იმართება, რომელსაც თქვენ ესწრებით...

- გეშლებათ...

- თუ გსმენიათ ე.წ. საინფორმაციო სააგენტო „ინფო 9“-ს შესახებ?

- პირველად მესმის თქვენგან“...

მართალია, შევარდნაძის კორუმპირებული სისტემის ნაწილს „პირველად ესმის“ „ბიბის“ ზონდერ-ჯგუფების შექმნის შესახებ, თუმცა, შესაძლოა ამ ფაქტით სამართალდამცველები დაინტერესდნენ. ასეთ შემთხვევაში კი, ბატონ ნაცვლიშვილს მოუწევს ივანიშვილის საყვარელი „კომპოზიტორის“, აკაკი წერეთლის მოტივებზე დაწეროს თავისუფალი თემა სათაურით - „ჩემი თავგადასავალი“...