• თბილისი
  • 20°C
  • 20 ოქტომბერი, 2017
article

"ჩვენი წინადადებაა, ჩატარდეს პლებისციტი" - რას მოითხოვს "ევროპული საქართველო?"

"ევროპული საქართველო" ადგილობრივ არჩევნებთან ერთად პლებისციტის ჩატარებას მოითხოვს და პრემიერს მოუწოდებს მოსახლეობას საშუალება მისცეს გამოთქვას აზრი საკონსტიტუციო ცვლილებებთან დაკავშირებით. 

„ამ სიტუაციაში აუცილებლად გვეჩვენება ისეთი ნაბიჯების გადადგმა, რომელიც შეამცირებდა ქვეყანაში მომავალი დაპირისპირების რისკს და სიტყვას მისცემდა საქართველოში ხელისუფლების მთავარ წყაროს ქართველ ხალხს. სწორედ ამიტომ,ევროპული საქართველოს ინიციატივაა, რომ საკონსტიტუციო ცვლილებების ორ მთავარ საკითხზე - პრეზიდენტის პირდაპირი არჩევნების თემაზე და საპარლამენტო არჩევნების თემაზე ჩატარდეს პლებისციტი, სადაც ქართველი ხალხი დააფიქსირებს საკუთარ აზრს. სურს თუ არა მას ჰქონდეს პრეზიდენტის არჩევის უფლება და როგორი პარლამენტი უნდა რომ ჰყავდეს,“ - განაცხადა პარტიის ერთ-ერთმა ლიდერმა, დავით ბაქრაძემ.