• თბილისი
  • 9°C
  • 17 დეკემბერი, 2017
article

ხიდაშელი: "ვისაც უნდა, დამკითხოს"

"ვისაც უნდა, დამკითხოს, სადაც უნდათ, იქ მივალ" - ეს განცხადება საქართველოს თავდაცვის მინისტრმა საგარეჯოს არჩევნების საკითხზე კომენტირებისას გააკეთა. მისი თქმით, მან ამ თემაზე საჯაროდ საუბარი დაასრულა.

"ჩემი მხრიდან, ყოველ შემთხვევაში, ვფიქრობ, რომ ყველაფერი ვთქვი. ყველა დოკუმენტი სახეზეა და ვინც უნდა,  რომ გაიგოს, გაუგებს. ვისაც შეუძლია, წაიკითხოს და წაკითხულის შინაარსი, პირველ კლასში რომ ასწავლიან, გამოიტანოს. 

ვისაც არ უნდა, ვერ გაიგებს. ასე რომ, ამ საუბარს აზრი აღარ აქვს. ვისაც უნდა, დამკითხოს, სადაც უნდათ იქ მივალ, რა დოკუმენტებსაც უნდათ, იმას მივიტან. ჩემთვის ეს იმდენად არასერიოზული საკითხია, რონ მზად ვარ, ყველგან, ყველანაირ ფორმატში საუბრისთვის, თუმცა საჯაროდ ეს თემა დავასრულე",- განაცხადა ხიდაშელმა.

შეგახსენებთ, თინა ხიდაშელს ოპონენტები და საკუთარი თანაგუნდელი გოგი თოფაძე საგარეჯოს არჩევნების გაყალბებაში ადანაშაულებენ.