• თბილისი
  • 17°C
  • 19 ოქტომბერი, 2017
article

ტრამპი ოპონენტებთან ფინალურ დებატებში მონაწილეობაზე უარს ამბობს

ამერიკის პრეზიდენტობის კანდიდატმა, მილიარდერმა დონალდ ტრამპმა უარი თქვა მოწინააღმდეგეებთან ფინალურ დებატებში მონაწილეობაზე, რადგან დებატების მოდერატორი არ მოეწონა.

გასული დებატებისას აგვისტოში, ტრამპმა ნამდვილი სკანდალი მოაწყო, როცა განაცხადა, რომ Fox News-ის ჟურნალისტი მეგან კელი მას მწვავე კითხვებს მხოლოდ იმიტომ უსვამდა, რომ მენსტრუაცია ჰქონდა. ახლა კი ტრამპმა ჟურნალისტს ზედაპირული უწოდა და განაცხადა, რომ არ იმონაწილევებს გეგმიურ დებატებში, თუ მათ კელი წაიყვანს.

როცა ტელეარხმა მას ჟურნალისტის შეცვლაზე უარი განუცხადა, ტრამპმა ფინალურ დებატებში მონაწილეობაც იუარა.

ტელეარხის წარმომადგენლები მტკიცედ დგანან საკუთარ პოზიციაზე და აცხადებენ, რომ ტრამპს არ შეუძლია აირჩიოს ჟურნალისტები საკუთარი სურვილის მიხედვით. მათი თქმით, მილიარდერის გაცხარება იმით აიხსნება, რომ მას უბრალოდ ეშინია მეგან კელის შეკითხვების.