• თბილისი
  • 21°C
  • 27 მაისი, 2017
article

"ლიტვინენკო იმიტომ მოკლეს, რომ პუტინს პედოფილიაში ამხელდა"

"ФСБ-ს ყოფილი ჯაშუში ალექსანდრ ლიტვინენკო მოკლეს იმიტომ რომ ვლადიმირ პუტინს პედოფილიაში ადანაშაულებდა", - ამ სათაურით აქვეყნებს სტატიას New York Post და მკითხველს  იმ შემთხვევას ახსენებს, როდესაც ლიტვინენკომ რუსეთის პრეზიდენტს საჯაროდ დაუძახა "პედოფილი", ის კი გაცეცხლდა. ამ შემთხვევიდან ოთხ თვეში ყოფილი ჯაშუში ლონდონში რადიქტიური ნივთიერებით მოწამლეს, რომელიც მის ჩაიში იყო გარეული.

ამ შემთხვევაზე საუბარია დიდი ბრიტანეთის სასამართლოს თავმჯდომარის, სერ რობერტ ოუენის მიერ გუშინ გამოქვეყნებულ 300-გვერდიან ანგარიშშიც.

ანგარიშში ოუენი განიხილავს ლიტვინენკოს მიერ პუტინზე განხორციელებულ ძალიან პირადულ "თავდასხმებს". 

დაპირისპირებამ კულმინაციას მიაღწია, როდესაც 2006 წლის 5 ივლისს Chechenpress-ში გამოქვეყნდა სტატია სახელწოდებით "კრემლის ჩიკატილო". სტატია ვლადიმირ პუტინის ტურისტებთან შეხვედრის აღწერით იწყება, აღწერილია ის ეპიზოდიც, როდესაც მან პატარა ბიჭს მოულოდნელად მუცელზე აკოცა. ეს შემთხვევა ლიტვინენკომ პუტინის პედოფილიით ახსნა, რომლის შესახებაც, ლიტვინენკოს თქმით, ჯერ კიდევ ანდროპოვის ინსტიტუტში პუტინის სწავლის დროს გახდა მისი ხელმძღვანელებისთვის ცნობილი. ლიტვინენკო წერდა, რომ წლების შემდეგ, როდესაც პუტინი უშიშროების ფედერალური სამსახურის უფროსი გახდა და პრეზიდენტობისთვის ემზადებოდა, მან იმ კომპრომატების მოძიება და განადგურება დაიწყო, რომელსაც უშიშროების სამსახური მის შესახებ ადრეულ წლებში აგროვებდა. სწორედ მაშინ იპოვა ვლადიმირ პუტინმა ვიდეოჩანაწერები, რომლებზეც მცირეწლოვან ბიჭებთან მისი სექსი იყო გადაღებული.

ოუენი ანგარიშში აღნიშნულია, რომ ბრალდებები, რომლებსაც ლიტვინენკო რუსეთის პრეზიდენტს უყენებდა, ძალიან მძიმეა. თუმცა კითხვა, შეიძლებოდა თუ არა ამ სტატიას ლიტვინენკოს გარდაცვალებასთან ჰქონოდა კავშირი, მასაც აწუხებს.

შეგახსენებთ, დიდი ბრიტანეთის სასამართლომ გუშინ ლიტვინენკოს მკვლელობის საქმის ახალი დეტალები გაასაჯაროა. გამოძიების ინფორმაციით, ლიტვინენკოს მკვლელობის შესრულებაში ბრალი ედებათ დუმის დეპუტატ ანდრეი ლუგოვოის და ყოფილ "კაგებეს" აგენტ, ბიზნესმენ დმიტრი კოვტუნს. შემკვეთად კი ვლადიმერ პუტინი იკვეთება. ლუგანივიც და კოვუტინიც მკვლელობას ამ დრომდე უარყოფენ.

სერ რობერტ ოუენის თქმით, ეს ორი ადამიანი, სავარაუდოდ, ФСБ-ს სადაზვერვო სამსახურის დავალებებით მოქმედებდა. ოუენი თავის 300-გვერდიან დასკვნაში წერს, რომ ФСБ-ს მიერ განხორციელებული ოპერაცია პრეზიდენტ პუტინისა და მაშინდელი ФСБ-ს უფროსის ნიკოლაი პატრუშევის მიერ იყო ხელმოწერილი.