• თბილისი
  • 27°C
  • 29 მაისი, 2017
article

დაძაბულობა გერმანიაში - ადგილობრივები მოძალადეების ქვეყნიდან გაძევებას ითხოვენ

გერმანიაში დაძაბულობა მატულობს. მას შემდეგ, რაც ახალი წლის ღამით ქვეყანაში რამდენიმე ათეულ ქალს თავს არაბული და ჩრდილოეთ აფრიკული გარეგნობის ახალგაზრდა მამაკაცები დაესხნენ, მოქალაქეები მოითხოვენ რომ ლტოლვილებმა გერმანია დატოვონ.

გუშინ ღამით აქციის მონაწილეები ქალაქ ლაიფციგის ქუჩებში გამოვიდნენ და მოითხოვდნენ სექსუალური მოძალადეების ქვეყნიდან გაძევებას.

ისინი სკანდირებდნენ: "დაარეპორტეთ!", ასევე მოტანილი ჰქონდათ პლაკატები, დევნილების საწინააღმდეგო წარწერებით - "დევნილებს არ მივიღებთ!" "ისლამს არ შევეგებებით!"

აქცია ადგილობრივი ანტი-მუსლიმური ორგანიზაციის PEGIDA-ს მიერ იყო ორგანიზებული.

ლაიფციგის მერმა მარია ბრაუნსდორფმა (Maria Braunsdorf) განაცხადა, რომ პოლიციამ ალყა შემოარტყა დაახლოებით 250 მემარჯვენე ექსტრემისტს, მას შემდეგ, რაც მათ დაარბიეს ადგილობრივი ბიზნესი. ბევრ მათგანს ეკეთა ნიღაბი, საკუთარი ვინაობის დასამალად, რაც გერმანიაში კანონითაა აკრძალული, თქვა მან.

აქციაზე გამოვიდნენ კონტრ-დემოსტრატებიც, რომლებიც დევნილების შეფასებას მხარს უჭერენ: "მობრძანდით ლაიფციგში", - ეწერა მათ პლაკატებზე.

კიოლნის თავდასხმების შემდეგ,  პოლიციამ დანაშაულში ზოგიერთი ეჭვმიტანილის იდენტიფიცირება მოახდინა, როგორც მიგრანტის. ამის გამო ქალაქში თავს დაესხნენ ექვს პაკისტანელს, ორი მსხვერპლი საავადმყოფოშია გადაყვანილი.

ამ შემთხვევამდე კი თავდამსხმელებმა ზიანი მიაყენეს სირიული წარმოშობის პირსაც. პოლიციამ ამის გამო ორი პირი დააკავა.