• თბილისი
  • 27°C
  • 29 მაისი, 2017
article

რატომ დაიწუნეს მამუკა არეშიძე და ვინ მოუწყო პროვოკაცია ირაკლი კირკიტაძეს?


საარჩევნო "ორთაბრძოლა" გარდაბანში უკვე დაიწყო, თუმცა, მმართველმა პარტიამ სტარტი ამთავითვე წესების დარღვევით აიღო.


როგორც ირკვევა, "ქართულ ოცნებას" გარდაბნის გამგებლობის კანდიდატად მამუკა არეშიძის წარდგენა სურდა. თუმცა, არეშიძემ, რომელმაც 2012 წლის საპარლამენტო არჩევნებზე შედეგი ვერ აჩვენა და დამარცხდა, ხელისუფლების მსხვილი ფიგურების სიმპატია ვერ დაიმსახურა. აქ ასპარეზზე კახი კალაძე გამოჩნდა, რომელმაც კანდიდატად თავისი მეგობარი, ასევე ფეხბურთელი, გოჩა ჯამარაული წარდგინა, რასაც მთელი პროცესები მოჰყვა.

როგორც ჩანს, ყოფილი ფეხბურთელი ხელისუფლებაში გარდაბნელებს გულზე დიდად არ ეხატებათ. დახურული კვლევით აღმოჩნდა, რომ ჯამარაულს გარდაბანში ძალიან დაბალი რეიტინგი აქვს. შესაბამისად,  ამ მომენტისათვის, მმართველი პარტიის კანდიდატი გოჩა ჯამარაული დიდი ანგარიშით აგებს.

თუმცა, ჯამარაულის მეგობარმა კალაძემ ჩვეული რეპრესიების და პროვოკაციების გზას მიმართა. მას შემდეგ, რაც გარდაბნის საარჩევნო შტაბის უფროსის, დავით კირკიტაძის ძმას მოქმედი პოლიციელის მეშვეობით პროვოკაცია მოუწყვეს და დაიჭირეს, ხელისუფლება მოქმედების მორიგ ეტაპზე გადავიდა. 

როგორც უკვე ვწერდით, ვრცელდება ინფორმაცია რომ იმ მოწმეებს, რომლებიც პოლიციელის მხრიდან პროვოკაციაზე საუბრობენ და ირაკლი კირკიტაძის უდანაშაულობაზე მიუთითებენ, კალაძის დავალებით აშინებენ და აშანტაჟებენ. 

დაცვის მხარის მიერ დაკითხული მოწმეთა დაშინების მცდელობის ფაქტს, ნაციონალური მოძრაობის ერთერთი ლიდერი, დავით კირკიტაძეც ადასტურებს.