• თბილისი
  • 6°C
  • 24 ნოემბერი, 2017
article

ბაშარ ასადი მარტში პოსტს დატოვებს - ვინ შეცვლის სირიის დიქტატორს?

ამერიკული მხარის გათვლებით, სირიის პრეზიდენტი ბაშარ ალ ასადი პოსტს 2017 წლის მარტში დატოვებს. ორგანიზაციამ, რომელიც სირიის კრიზისის გადაჭრაზე მუშაობს ამის შესახებ სპეციალური გეგმაც მოამზადა, იტყობინება Associated Press.

კონკრეტულად როგორ დატოვებს ასადი პოსტს ან ვინ დაიკავებს მას, ახლანდელი პრეზიდენტის შემდეგ დოკუმენტში მითითებული არაა. ანალიტიკური ჩანაწერების თანახმად, პოლიტიკური გადასვლის პროცესი სირიაში ამ წლის თებერვალში დაიწყება და 18 თვეს გაგრძელდება. ამერიკაში უშვებენ, რომ ასადის წარმომადგენლებსა და ოპოზიციას შორის მოლაპარაკებების შედეგი იქნება აპრილში უსაფრთხოების კომიტეტის შექმნა. პროცესს თან მოჰყვება ხელისუფლების წევრებისა და მაღალი სამხედრო თანამდებობის პირების ამნისტია, ის ასევე შეეხება მებრძოლებსა და ოპოზიციის ლიდერებს.
ამის შემდეგ კი შეიქმნება დროებითი ორგანო ქვეყნის სამართავად.

მაისში სირიის პარლამენტის გაშვებაა დაგეგმილი. ამას კი დროებითი საკონონმდებლო ორგანოს შექმნა მოჰყვება. დაგეგმილია დონორების საერთაშორისო კონფერენციაც, რომელიც ქვეყნის ფინანსური აღდგენისთვის იქნება საჭირო.

შემდეგი 6 თვე 2016 წლის ნოემბრამდე დაეთმობა ახალი კონსტიტუციის მომზადებას. სირიელი ხალხი შეძლებს გამოხატოს საკუთარი მოსაზრება ამ დოკუმენტის შესახებ რეფერენდუმზე, რომელიც 2017 წლის იანვარში უნდა გაიმართოს. ამის შემდეგ კი, მარტში ასადი, თავის უახლოეს გარემოცვასთან ერთად დატოვებს პოსტს.

ამერიკული ჩანაფიქრით, სირიის ახალი მმართველობა მიიღებს ძალაუფლებას აგვისტოში ჩატარებული საპრეზიდენტო და საპარლამენტო არჩევნების შემდეგ.

Associated Press აღნიშნავს, რომ ეს გეგმა მხარს არ უჭერს რუსეთსა და ირანს, რომლებიც გარე ძალების დახმარებით ხელისუფლების შეცვლის წინააღმდეგ გამოდიან. ამავე დროს, არაბეთის ოპოზიცია, ასევე ამერიკის მოკავშირეები, ყატარი, საუდის არაბეთი და თურქეთი მიილტვიან ასადის რაც შეიძლება სწრაფად წასვლისაკენ, ამიტომ ამერიკული გრაფიკი შეიძლება ღალატადაც კი ჩათვალონ.
ამერიკაში ასადის არალეგიტიმურ მმართველად თვლიან, რადგან მათი რწმუნებით მან გამოიყენა იარაღი, მათ შორის ქიმიურიც საკუთარი ხალხის წინააღმდეგ.

თვითონ სირიის პრეზიდენტი ამბობს, რომ არ დატოვებს პოსტს "ისლამურ სახელმწიფოზე" გამარჯვებამდე, რომელსაც ქვეყნის ტერიტორია აქვს დაპყრობილი.