• თბილისი
  • 6°C
  • 24 ნოემბერი, 2017
article

თურქეთმა რუსეთი საჰაერო ნორმების დარღვევაში დაადანაშაულა

სააგენტო Reuters-ის ცნობით,თურქეთის ტრანსპორტის მინისტრმა ბინაილ ილდირიმმა 6 იანვარს გამართულ პრეს-კონფერენციაზე დაადანაშაულა რუსეთი საერთაშორისო საჰაერო ნორმების დარღვევაში და თურქული ავიაკომპანიების ეკიპაჟისთვვის ვიზების მოთხოვნის საკითხს თვითნებური უწოდა. 

ახალი წლის დადგომამდე "პეგასუს აირლაინსმა" (Pegasus Airlines) განაცხადა, რომ 13 იანვრამდე აჩერებს ფრენებს რუსეთში ეკიპაჟის წევრების ვიზების არქონის გამო. ამის შემდეგ ანალოგიური ნაბიჯი დაანანსა კიდევ ერთმა კერძო თურქულმა ავიაკომპანიამ და შეაჩერა ფრენები 14 იანვრამდე. 

 Turkish Airlines-ის წარმომადგენელმა კი განაცხადა, რომ ავიაკომპანიამ მიიღო ვიზები ეკიპაჟისთვის და ამიტომ არ ცვლის რუსეთში ფრენების გრაფიკს. მოსკოვმა თურქეთის რესპუბლიკის მოქალაქეებისთვის უვიზო რეჟიმი პირველ იანვარს შეაჩერა. გადაწყვეტილება მას შემდეგ მიიღეს, რაც 24 ნოემბერს თურქულმა მხარემ რუსული ბომბდამშენი 'სუ-24" ჩამოაგდო. 

თვითონ ინციდენტმა და ოფიციალური ანკარისგან ბოდიშის არარსებობამ რუსულ-თურქულ ურთიერთობებში სერიოზული გაურკვევლობა გამოიწვია, რისი ერთ-ერთი გამოძახილი ეს შემთხვევაცაა.