რეკლამა Presa.ge-ზე: 599 877 901
სპეციალური ფასები
სარეკლამო ადგილი - 82
252 x 100
სარეკლამო ადგილი - 105
200 x 240
გო­დერ­ძი ჩან­ქ­სე­ლი­ა­ნი კო­დის მო­სახ­ლე­ო­ბას შეხ­ვ­და
მე­რაბ ქვა­რაია მო­სახ­ლე­ო­ბას შეხ­ვ­და
გი­ორ­გი კო­პა­ძე მო­სახ­ლე­ო­ბას­თან შეხ­ვედ­რებს აგ­რ­ძე­ლებს
ირაკ­ლი მე­ზურ­ნიშ­ვი­ლი ერ­თაწ­მინ­დი­სა და გა­რი­ყუ­ლას მო­სახ­ლე­ო­ბას შეხ­ვ­და
ყველა სიახლე
 კალენდარი
ორშ სამშ ოთხ ხუთ პარ შაბ კვ
1234567
891011121314
15161718192021
22232425262728
2930311234
ამინდი
  თბილისი18°-32°
  ქუთაისი22°-32°
  ბათუმი22°-29°
მარტო მოწევა არა, დარდიც კლავს ბიძო! ნუ დარდობ ჩვენზე!

17:34 04.01.2016
[რეზო შატაკიშვილი]
სიგარეტი ისე გააძვირეს, თამამად შეგიძლია შინ სტუმარი დაპატიჟო, ერთ ღერს გაგაბოლებინებო, ანდა რამოდენიმე ღერი გადაინახო და უეცრად მოსულ სტუმარს ღირსეულად გაუმასპინძლდე.

მე მითქვამს და დაიმახსოვრეთ - ქოცმთავრობას ჩვენზე დარდსა და ზრუნვაში გასძვრება სული. იმ ბრძენ კაცს, როგორც ჩანს, გაუგია სიგარეტი კლავსო და ჩვენზე დარდობს - სიგარეტს გვიძვირებს, რომ ვერ მოვწიოთ, არადა, ავიწყდება რომ მარტო სიგარეტი არ კლავს, დარდიც კლავს და ჯობს შეეშვას ჩვენზე დარდს... გაძვირება არ გვაკმარეს და ახლა ხადური მოგვამაგრეს მასხარად ასაგდებად, ფინანსთა სამინისტროს განცხადება გააშანშალებინა - ზოგიერთ სიგარეტზე ფასების მნიშვნელოვანი ზრდა აქციზის გადასახადის ზრდასთან არანაირი პირდაპირი კავშირი არა აქვსო. 

"ჩვენი აზრით, გაძვირება ცალსახად უკავშირდება ბაზარზე ამ სიგარეტის სახეობის მიწოდება-მოთხოვნის მოცულობის დისბალანსს" - გვამცნობს ფინანსტა სამინისტრო. ბატონო ხადურო, ჩვენს ჯანმრთელობაზე დარდით გასუქებულო, რომ გაარკვიო და „თქვენი აზრის“ ნაცვლად ზუსტი ინფორმაცია მოგვაწოდო, ციკანი გაგიცივდება?

გასაგებია რამაც გამოიწვია „მალბოროს“, „ელემის“, „პარლამენტის“, „ჩესტერფილდის“ ფასების გაორმაგება-გასამმაგება, მწარმოებელ კომპანიას დავა აქვს დისტრიბუტორთან, დისტრიბუტორმა სასამართლოს ძალით სხვა დისტრიბუტორებთან ურთიერთობა აუკრძალა, ამ დასახალების სიგარეტები ვეღარ შემოდის და სწორედ ეს წარმოშობს მიწოდება-მოთხოვნის დისბალანსს, მაგრამ მარტო ესაა პრობლემა? ყველა სახეობის სიგარეტზე მოიმატა ფასმა, მოიმატა სწორედ აქციზის გადასახადის განაკვეთის ზრდის გამო. და თურმე ნუ იტყვით და ეს იმიტომ ხდება, რომ ევროკავშირის კანონმდებლობას დავუახლოვდეთ. თურმე იმიტომ ხდება, რომ მოწევას, ამ მავნე ჩვევას ებრძვიან და ჩვენ ჯანმრთელობაზე ზრუნავენ.

ასე არ დაგვმოძღვრა, „იუბკიანმა“ ციცერონმა - გუგულა ძალომ?  თურმე ყველა ნორმალური სახელმწიფო აქციზის მატებით ებრძვის თამბაქოს და ჩვენც ამ გზას მივყვებით. - თქვა გუგულა ძალომ და მოგვაწყევლა: „ის, რომ ვიღაცას გაუძვირდება და ვერ იყიდის სიგარეტს, ძალიანაც კარგი“.

გუგულა ძალოო, მედიკამენტებიც რომ გაძვირდა თქვენ ხელში, ეგეც ძალიან კარგი? არც წამალი ვიყიდოთ? ისე ამოგვხდეს  ხალხს სული თქვენ წყევლაში? პროდუქტებიც რომ გაუთავებლად ძვირდება და ხალხი ვეღარ ყიდულობს, ეგეც ძალიან კარგი? თუ მარტო სიგარეტზე ვრცელდება თქვენი დაგინება, რაკი ჯანმრთელობისთვის მავნებელია? უშენოდაც კარგად ვიცი, რომ ვარჯიშია კარგი და გამომიგზავნი „ასპრიას“ აბონიმენტს? თუ გაიკითხ-გამოიკითხავ სადაა იაფი დარბაზი და მიმასწავლი?

და საერთოდ, სადაა ლოგიკა რომ გამოდიხართ და აბრახუნებთ, გაძვირება თამბაქოს მოხმარებას შეამცირებსო? რომელი მწეველი გადაეჩვევა? იმ შავბნელ და ურარიბეს 90-იან წლებშიც არავის გაუნებებია თავი მოწევისთვის და ყველა იმას ეწეოდა, რაც ყველაზე იაფი იყო, ესაა თქვენი გეგმა რომ უხარისხო პროდუქცია გასაღდეს? უფლიტრო ასტრაზე გადავიდეს ერი? ერი, თორემ ბერი რომ კვლავაც თამამად გააბოლებს მალბოროს ჯიპებში, მაგას კვამლი არ გაუვა...

ერთი მე ვზრუნავ და ვიკლავ თავს, თქვენს ხელისუფლებაში დასარჩენად და მეორე კიდევ თქვენ ზრუნავთ ჩვენს ჯანმრთელობაზე. კარგად ვიცით, ამ მთავრობის მუცლის გვრემა რაცაა, ევროკავშირის კანონდებლობა არა, ორთაჭალის გოგირდებში გაფუფქული პინგვინი. ეგეც თქვენი ზებრეშმაკობის აპოთეოზია, თან ბიუჯეტი ამოავსოთ რომ მერე კარგი პრემია-დანამატები აირტყათ და თან ხალხში ევროკავშირის მიმართ ნეგატიური განწყობა გააჩინოთ, ევროკავშირი ითხოვსო.

და მაინც რამდენჯერ უნდა გააძვიროთ ეს სიგარეტი? ვინმეს ხომ არ გონია რომ პირველად გააძვირეს ქოცებმა აქციზი?

და თუ გგონიათ, შეგახსენებთ. ქოცმთავრიბისთვის რომ გეკითხა, 2014 წლამდე  აქციზის გაზრდას არ აპირებდნენ, მაგრამ მოულოდნელად, მოსვლიდან წელიც არ იყო გასული, რომ ეცნენ და 2013 წლის 1 სექტემბრიდან აქციზი სასწრაფოდ გააძვირეს - ფილტრიანის 15 თეთრით, უფილტროსი - 5 თეთრით. მანდამდე ფილტრიანის აქციზი - კოლოფზე 60 თეთრი ღირდა, უფილტროზე 15. მაშინაც ჩვენ ჯანმრთელობაზე ზრუნვით ახსნეს ეს სულწრაფობა და მსუნაგობა. 

ხადურის ეს ნაბიჯი მაშინვე შეაფასა ნაციონალურმა მოძრაობამ, როგორც ბიუჯეტის შევსების პრიმიტიული მცდელობა. მცდელობა იმიტომ რომ ამგვარი ზრდა იმთავითვე შეიცავს კონტრაბანდული სიგარეტის შემოსვლის რისკს და ეს საფრთხე რომ რეალურია, უკვე გამოჩნდა კიდეც, ბოშა ქალები უკვე დაატარებენ უაქციზო სიგარეტს და როგორც ჩემ ბავშვობაში, ისე გაჰკივიან „მალბორო“...

აქციზის ამ მატებამ მაშინ ფილტრიანი სიგარეტი 20-30 თეათრით გააძვირა, უფილტრო მიმიმუმ 10 თეთრით.

მეორედ აქციზი გააძვირეს 2015 წლის 1 იანვრიდან, ფილტრიანის აქციზი 15 თეთრით გააძვირეს, უფილტროსი - 5 თეთრით, აქციზის ამ გაძვირებამ კვლავ 20-30 თეთრით გააძვირა ყველა სახის სიგარეტი.

არ გეგონოთ მარტო აქციზს აძვირებდნენ, 2015 წლის 1 ივლისიდან საერთოდ ახალი გადასახადი დააწესეს - ადვალური გადასახადი, ეს ახალი გადასახადი, სიგარეტის სარეალიზაციო ფასის 5%-ით განისაზღვრა, რამაც თავის მხრივ სიგარეტის ფასის 5%-იანი მატება გამოიწვია... და ამას მოჰყვა აქციზის რიგით მესამე და საერთოდ სიგარეტის რიგით მეოთხე გაძვირება... ამჯერად 20 თეთრით გაძვირდა აქციზი ფილტრიან სიგარეტზე და 5  თეთრით - უფილტროზე...

ჯამში, ქოცების ხელში აქციზი ფილტრიანზე 50 თეთრით გაძვირდა, უფილტროზე 15 თეთრით. ამას დაამატეთ, ეგ თქვენი ადვალური გადასახადი, კიდევ ინფლაცია და ახლა კიდევ მიწოდება-მოთხოვნის დისბალანსი და... ისუნთქეთ ჯანმრთელად.

ქოცელქტრორატს მინდა ვკითხო, კარგად მიაქვს გაძვირებულ სიგარეტს თავისუფლად მსუნთქვ ფილტვებში?
გამოკითხვა
დღეს რომ საპარლამენტო არჩევნები იყოს, ვის მისცემდით ხმას?
  
ტოპ ათეული
1. ბათუმის პლაჟზე ახალგაზრდა გოგონა გარდაიცვალა
2. "ეს გოგო, რომლის ფოტოც დღეს პირველად ვნახე - აღარ გვყავს... ავარიამ იმსხვერპლა"
3. ჩინელი მილიარდერი: რატომ რჩებიან ღარიბი ადამიანები ღარიბებად
4. "21 სექტემბერს ყველამ, სადაც არ უნდა იყოს, უნდა თქვას პატარა, მაგრამ ძლიერი ლოცვა“
5. რატომ არ ვარგა კარის ზღურბლზე დამშვიდობება, მაგიდის კუთხეში დაჯდომა და ონკანიდან წყლის ჟონვა
6. როგორ მოიზიდოთ ფული და კეთილდღეობა - ვანგას საუკეთესო რჩევები
7. „რატომ ეთაყვანებით ამ მოქალაქეს, რა გაგიკეთათ? - ნათია კობერიძის მიმართვა მრევლს
8. ტესტი ქალებისთვის- რას ხედავ ფოტოზე - ციყვებს, გოგონას თუ შიშველ მამაკაცს?
9. ტიბეტური ჰოროსკოპი - გაიგე შენი მომავლის შესახებ - 97%-იანი სიზუსტით
10. "მაგდა პაპიძემ დამირეკა, განწირული ხმა ჰქონდა.. მიყვებოდა თავის მარტოობის საკანზე"
სარეკლამო ადგილი - 83
252 x 60
სარეკლამო ადგილი - 29
468 x 60
სარეკლამო ადგილი - 84
252 x 60
რეკლამა საიტზე
ტელ.: (+995 32) 2-000-247
599 877-901