მამაკაცები უფრო ხირად ხუჭავენ თვალს რეალობაზე, ვიდრე ქალები, ვინაიდან საკუთარ იმიჯს უფრთხილდებიან. ასეთ დასკვნამდე მივიდნენ ამერიკელი ფსიქოლოგები, წერს The Daily Mail.

ტყუილი, რომელსაც ძლიერი სქესის წარმომადგენლები მიმართავენ, დაკავშირებულია საკუთარი იმიჯის პოლიტიკასთან. როგორც ჩარლსტონის უნივერსიტეტის ფსიქოლოგიის პროფესორი სინდი მეი ამტკიცებს, მამაკაცები მორალურად გაცილებით არასტაბილურები არიან, ვიდრე ქალები.

კვლევის თანახმად, მამაკაცები საკუთარი ქმედებების მორალურ მხარეზე არ ფიქრობენ. მეის სიტყვებით, თუ მამაკაცი წარმატებულია, ეს მის სიძლიერესა და კომპეტენციაზე მეტყველებს, ხოლო მარცხი - სისუსტესა და სიმხდალეზე.

„როდესაც მამაკაცი ტყუილს მიმართავს, საკუთარი „მამაკაცურობის“ დასამტკიცებლად, ან დასაცავად, მზად არიან მორალურ ნორმებთან კომპრომისზე წასასვლელად“ - ამბობს ფსიქოლოგი. ამგვარი ქმედების მიზეზი, მეის აზრით, მამაკაცთა სოციოკულტურულ სტერეოტიპებში იმალება.

„როგორც ჩანს, ნამდვილი მამაკაცი სუსტი და არასტაბილურია, როდესაც სხვებთან დაპირისპირება უწევს, აგრესიული ხდება და თავის დაცვას იწყებს“ - ამბობს პროფესორი.

ამ ჰიპოთეზის შესამოწმებლად, მეცნიერებმა რამდენიმე კვლევა ჩაატარეს. მამაკაცებისა და ქალების მიერ მიღებული გადაწყვეტილებების მორალური მხარე განსაზღვრეს.

ერთ-ერთ ექსპერიმენტში მონაწილეებს ეთიკური გადაწყვეტილების მიღება სთხოვეს. მოუყვანეს შემდეგი მაგალითი: მოხუცი წყვილი სახლს იმ იმედით ყიდის, რომ ახალი მფლობელი მას გაუფრთხილდება. მყიდველი სინამდვილეში მის დანგრევასა და ახლის აშენებას აპირებს. მოხალისეებს უნდა გადაეწყვითათ,გაემხილა თუ არა სახლის მფლობელებისათვის მყიდველს თავისი გადაწყვეტილება.

როგორც აღმოჩნდა, ექსპერიმენტში მონაწილე ძლიერი სქესის ყველა წარმომადგენელს სახლის მეპატრონეების მოტყუება სურდათ. ქალები კი სიმართლის თქმას არჩევდნენ.

გარდა ამისა გაირკვა, რომ მამაკაცები ქალებს ხშირად აძლევენ ცრუ დაპირებებს. განსაკუთრებით, ეს თვისება იმ მამაკაცებისთვისაა დამახასიათებელი, რომლებიც თვლიან, რომ მოლაპარაკებების სფეროში ძლიერები არიან.