ალა პუგაჩოვას მრავალჯერ უთქვამს, რომ სჯერა ციფრებისა და მოვლენების მისტიური დამთხვევის. მის ირგვლივ მყოფი ადამიანებიც ადასტურებენ ამ ფაქტს.

რა თქმა უნდა, ამ შემთხვევაშიც სრულიად ჩვეულებრივი დამთხვევაა „ტიტანიკის“ დაღუპვიდან 100 წლისთავი და პუგაჩოვას დაბადების დღეც. ორივე მოვლენა 15 აპრილს დაფიქსირდა. პირველი მათგანი ტრაგედია იყო, მეორე კი სასიამოვნო ფაქტი.

პუგაჩოვას წარმატება შორეულ 1983 წელს ჩაწერილმა სიმღერამ, „აისბერგი“ განაპირობა, ამ მომენტიდან დაიწყო ალას კარიერული წინსვლაც.

ტელეარხმა NTB-მ პუგაჩოვას დაბადების დღესთან დაკავშირებულ მოვლენებს სამსაათიანი ტელეგადაცემა მიუძღვნა. მომღერალმა კი აღნიშნა, რომ ეს იდეა ძალიან მოეწონა და მასში დადებითი გრძნობები აღძრა.

ხოლო კითხვას, გამოჩნდა თუ არა რუსულ ესტრადაში მასზე უკეთესი მომღერალი, ვარსკვლავმა უპასუხა: „შეიძლება იყვნენ უკეთესები, ან უარესები, მაგრამ ისეთები, როგორებიც არიან მადონა, ბარბარა სტრეიზანდი, ედიტ პიაფი, მარლენ დიტრიხი და სხვები, ალბათ აღარასდროს დაიბადებიან“.

ეს იყო ერთადერთი კითხვა, რომელსაც ალამ უპასუხა, დარჩენილი დრო კი მის კარიერასა და პირად ცხოვრებას მიეძღვნა. საზოგადოებამ გაიგო სხვადასხვა ამბები მის ქალიშვილთან, კრისტინასთან, კირკოროვთან და რა თქმა უნდა, პროხოროვთან დაკავშირებითაც. „მე ჩემს ჯვარს თავმდაბლად ვატარებ“, - აღნიშნა მომღერალმა.

ალა პუგაჩოვას ეპოქაში დადგა არა მუსიკალური, მაგრამ საკმაოდ ნათელი პერიოდი. მიუხედავად მუსიკალური კარიერის დასრულებისა, პუგაჩოვა პოპულარობასა და აქტუალობას მაინც არ კარგავს, ის რუსეთის პოპულარულ ქალბატონებს შორის ერთპიროვნულად ლიდერობს და ისეთი ქალბატონებიც კი ვერ უწევენ კონკურენციას, როგორებიც არიან ქსენია სობჩაკი და თინა კანდელაკი.

მიხეილ პროხოროვმა პუგაჩოვას რუსეთის ფედერაციის პირველი ლედი უწოდა და აღნიშნა, რომ მას შემდეგ რაც ეს უკანასკნელი გალკინს გაჰყვა ცოლად, საბოლოოდ დაკარგა შანსი, გამხდარიყო რუსეთის ფედერაციის ოფიციალური პირველი ლედი. შემდეგ კი პროხოროვმა დასძინა, რომ მან პრიმადონას დაბადების დღეზე მილიონი წითელი ვარდი უნდა აჩუქოს. შემდეგ ჟურნალისტმა იმის გამორკვევა დაიწყო, თუ ბიზნესმენსა და პოლიტიკოსს რა თანხის დახარჯვა მოუწევს აღნიშნული საჩუქრისთვის და შედეგად 100 მილიონი რუბლი მიიღო.

 „კარგი სიმღერები არ იკარგებიან. ისინი კლასიკად იქცევიან“, - აღნიშნა ეთერის მიწურულს ვარსკვლავმა.