23–24 მაისს ჩატარებული ეგვიპტის საპრეზიდენტო არჩევნების პირველი ტურის წინასწარი შედეგებით, არანაირ მოულოდნელობას ადგილი არ ჰქონია. არჩევნებში პრეზიდენტობის მოსურნედ 12 დარეგისტრირებულ პოლიტიკოსს შორის მოძრაობა „ძმები–მუსულმანების“ კანდიდატი, მუჰამედ მურსი, ჯერჯერობით, პირველ ადგილზეა, მაგრამ მის მიერ მოპოვებული ხმათა რაოდენობა, სავარაუდოდ, საკმარისი არ იქნება საბოლოო გამარჯვების მოსაპოვებლად. მეორე ადგილზეა დამხობილი პრეზიდენტ ხოსნი მუბარაქის, ყოფილი თანამებრძოლი, ექს–პრემიერ–მინისტრი, ახმად შაფიკი.

ჯერ კიდევ არჩევნებამდე, ფავორიტად და მურსის მთავარ მეტოქედ გამოცხადებული არაბულ სახელმწიფოთა ლიგის ყოფილი მეთაური, ამრ მუსა, კანდიდატებში, ჯერჯერობით, მეხუთე ადგილზეა, რომელსაც სოციალისტი, ჰადმინ საბახი და „დამოუკიდებელი კანდიდატი“, აბდულ მოჰეინ აბულ ფოტუხი უსწრებენ.

თუმცა სხვაობა მათ შორის, ჯერჯერობით, მინიმალურია და ვინ გავა მეორე ადგილზე, ამის თქმა, ძნელია. ერთი რამ კი ნამდილად, სადაო  არაა, რომ ეგვიპტის ახალი პრეზიდენტის ვინაობა მეორე ტურში გამოვლინდება, რომელიც 16 და 17 ივნისს გაიმართება.

ჯერჯერობით, ექსპერტები აღნიშნავენ, პერიფერიებში ხმების დათვლის შემდეგ, სადაც მუსულმანთა პოზიციები ძლიერია, შაფიკისა (მეორე ადგილი) და საბახის (მესამე ადგილი) პოზიციები შეიძლება შესუსტდეს და მეორე ადგილზე საბოლოოდ „ხუთეულიდან“ რომელიმე სხვა გავიდეს.

ზუსტად ცნობილია, რომ პირველ ტურში „ძმები–მუსულმანების კანდიდატს ლიდერობას ვერავინ შეეცილება და იგი უკვე მეორე ტურშია.

ადგილობრივი მასმედიის ცნობით, როგორც მათ მოძრაობა „ ძმები–მესულმანების“ ერთ–ერთმა  წარმომადგენელმა განუცხადა, მეორე ტურში ერთმანეთს მუჰამედ მურსი და ახმად შაფიკი დაუპირისპირდებიან.

სამაგიეროდ, ასოციაცია „თავისუფლებისა და სამართლიანობის პარტიები“, რომელიც „ძმები–მუსულმანების მიერაა შექმნილი, პოლიტიკური ფრთის თავმჯდომარის მოადგილე, ისამ ალ–არიანი დარწმუნებულია, რომ მუჰამედ მურსი ეგვიპტის მომავალი პრეზიდენტი გახდება: „ ჩვენ დარწმუნებულები ვართ, რომ ეგვიპტის მომავალი პრეზიდენტი სწორედ მურსი იქნება, – განაცხადა მან კაიროში გამართულ პრეს–კონფერენციაზე და დასძინა, რომ მურსის ლიდერობა უკვე თვალშისაცემია.

წინასწარი მონაცემებით, პირველ ტურში ამომრჩეველთა აქტიურობამ 50 % შეადგინა, რაც ეგვიპტისთვის საკმაოდ მაღალი მაჩვენებელია.

რაც შეეხება პირველი ტურის გამოკვეთილ ლიდერს, მუჰამედ მურსის, ის პროფესიით ინჟინერია და განათლება ამერიკის შეერთებულ შტატებში აქვს მიღებული. იგი მუბარაქის რეჟიმის დროს დამოუკიდებელი დეპუტატის რანგში რამდენჯერმე ეგვიპტის პარლამენტის წევრადაც იყო არჩეული.

მოძრაობა „ძმებმა–მუსულმანებმა“, რომელსაც იგი წარმოადგენს ეგვიპტის განვითარების ათწლიანი გეგმა უკვე წარადგინა, რაც ეკონომიკის მოდერნიზაციასა და ქვეყნის მოქალაქეთა შორის შემოსავლების სამართლიან გადანაწილებას ითვალისწინებს. ამასთან, რაც არ უნდა გასაკვირად გეჩვენოთ,  მოძრაობა „ძმები–მუსულმანები“ ქვეყანაში შარიათის კანონის შემოღებაზე უარს ამბობს და მხოლოდ ისლამის კანონმდებლობის ზოგიერთი ელმენტის გამოყენებას გეგმავს.