• თბილისი
  • 33°C
  • 29 ივნისი, 2017
article

საბურთალოზე პოლიციის ავტომანქანა 8 მეტრის სიმაღლიდან ეზოში გადავარდა და დაიმტვრა

თბილისში დღეს დილის 6 სააზე, პოლიციის ავტომობილი, რომელიც ფანასკერტელის ქუჩის მე-6 კორპუსის მიმდებარე ტერიტორიაზე მოძრაობდა, 8 მეტრის სიმაღლიდან ეზოში გადავარდა და დაიმტვრა. შემთხვევის შედეგად არავინ დაშავებულა. 

ავტომობილი ეზოში მდგარ მანქანას დაეცა და დააზიანა. შემთხევიდან რამდენიმე წუთში ადგილზე პოლიცია და სამაშველო სამსახური მივიდნენ. ადგილობრივების თქმით, მათი ეზოს თავზე გზა გადის, რომელსაც არ აქვს დამცავი ჯებირი და მსგავსი შემთხვევები ადრეც მომხდარა. 

შსს-ში ადასტურებენ, რომ მანქანა მათი უწყების საკუთრებაა და თბილისის პოლიციის სამმართველოს ერთ-ერთ დანაყოფს ეკუთვნის.