• თბილისი
  • 33°C
  • 29 ივნისი, 2017
article

პარიზში სროლის შედეგად პოლიციელი დაიღუპა, ერთი კი დაშავდა

Reuters-ის ინფორმაციით, პარიზის ცენტრში სროლის შედეგად პოლიციელი დაიღუპა, ერთი კი დაშავდა. ინციდენტი ელისეს მინდვრების ქუჩაზე მოხდა. 

სამართალდამცველების ცნობით, ადამიანი, რომელმაც პოლიციელებს ცეცხლი გაუხსნა, ლიკვიდირებულია.

ტერიტორია გადაკეტილია. პოლიცია მოსახლეობას მოუწოდებს მოერიდოს შემთხვევის ადგილს. ტარდება სპეცოპერაცია, რომელშიც ვერტფრენებიც ჩართულია.

მეტროსადგური Franklin D. Roosevelt-ი, რომელიც შემთხვევის ადგილთან ახლოს მდებარეობს, უსაფრთხოების მიზნით, დაიკეტა. ქუჩაზე ყველა მაღაზია და რესტორანი დახურულია. 

23 აპრილს, საფრანგეთში საპრეზიდენტო არჩევნების პირველი ტური ტარდება. 18 აპრილს მარსელში დააკავეს ორი ადამიანი, რომლებსაც არჩევნების წინ ტერაქტის დაგეგმვაში ედებათ ბრალი.