• თბილისი
  • 8°C
  • 16 დეკემბერი, 2017
article

101 წლის ასაკში, მილიარდერი დევიდ როკფელერი გარდაიცვალა

ამერიკელი მილიარდერი და ბანკირი დევიდ როკფელერი 101 წლის ასაკში, დღეს დილით გარდაიცვალა. ამის შესახებ "ნიუ იორკ თაიმსი" ოჯახის წარმომადგენლის, ფრეიზერ საიტელის ინფორმაციაზე დაყრდნობით წერს.

საიტელის ინფორმაციით, მაგნატი საკუთარ სახლში, პიკანტიკო ჰილსში, ძილში გარდაიცვალა.

როგორც "ფორბსი" აღნიშნავს, 20 მარტისათვის როკფელერის ქონება 3,3 მილიარდ დოლარს შეადგენდა. მსოფლიოს ყველაზე მდიდარი ადამიანების სიაში ის 581-ე ადგილს იკავებდა.

დევიდ როკფელერი 1915 წლის 12 ივნისს დაიბადა, ნიუ-იორკში. ის ნავთობის მაგნატის, მილიარდერ ჯონ როფელერის შვილიშვილი იყო. 1936 წელს მან ჰარვარდის უნივერსიტეტი დაამთავრა. სწავლობდა ლონდონის ეკონომიკისა და პოლიტიკური მეცნიერების სკოლაში. 1942 წელს როფელერი სამხედრო სამსახურში შევიდა და კაპიტნის წოდებას მიაღწია. ომის შემდეგ მან Chase Manhattan Bank-ში დაიწყო მუშაობა, რომლის პრეზიდენტიც 1961 წელს გახდა. 1981 წლის აპრილში ის გადადგა და მას შემდეგ საჯარო ცხოვრებას ნაკლებად ეწეოდა.