• თბილისი
  • 16°C
  • 24 ოქტომბერი, 2017
article

მარჯანიშვილის მოედნიდან აყრილი გარემოვაჭრეები მერიასთან აქციას გამართავენ

მარჯანიშვილის მეტროს მიმდებარე ტერიტორიიდან აყრილი გარემოვაჭრეები საპროტესტო აქციების დაწყებას გეგმავენ. გარემოვაჭრეები ამბობენ, რომ ის ალტერნატივა, რასაც სთავაზობენ, მათთვის მიუღებელია, რადგან ბაზარში დღიური გადასახადის გადახდას ვერ შეძლებენ.

თბილისის მერიამ აღმაშენებლის გამზირზე, მეტრო მარჯანიშვილის მიმდებარედ გარემოვაჭრეები გუშინ გაიყვანა. მერიის მიერ გავრცელებულ განცხადებაში ნათქვამია, რომ ეს ადგილი დედაქალაქის ერთ-ერთი მთავარი ტურისტული და ხალხმრავალი ზონაა. 

გარემოვაჭრეების ერთი ნაწილი შეთავაზებით კმაყოფილია, თუმცა მეორე ნაწილი მიიჩნევს, რომ დაპირება დაპირებად დარჩება და ისინი მუშაობის გაგრძელებას ვეღარ შეძლებენ. მათ უკმაყოფილებას ის ფაქტი იწვევს, რომ როგორც თავად ამბობენ, მერიამ ვაჭრობის აკრძალვის შესახებ ისინი არ გააფრთხილა.