• თბილისი
  • 32°C
  • 25 ივლისი, 2017
article

გირჩის ოფისში შსს-ს წარმომადგენლები მივიდნენ

გირჩის ოფისში შსს-ს წარმომადგენლები მივიდნენ. ინფორმაცია რამდენიმე წუთის წინ "გირჩის" ერთ-ერთმა წევრმა ნიკა ქავთარაძემ facebook-ით გაავრცელა.

ინფორმაციას ადასტურებს პარტიის ლიდერი ზურაბ ჯაფარიძეც. მისი თქმით, სამართალდამცველები შეამოწმებენ ნამდვილად არის თუ არა დათესილი მცენარე მარიხუანა.

შეგახსნებეთ, 11 დღის წინ პარტიის წევრებმა და მხარდამჭერებმა გირჩის ოფისში პირდაპირ ეთერში დათესეს კანაფი. რამდენიმე დღის შემდეგ პარტიის ოფიციალურ გვერდზე ახალამოსული მცენარეების ფოტოებიც გამოქვეყნდა.

 საქართველოს შინაგან საქმეთა სამინისტრომ მარიხუანის შესაძლო დათესვასთან დაკავშირებით გამოძიება 31 დეკემბერსვე სისხლის სამართლის კოდექსის 265-ე მუხლით დაიწყო, თუმცა შსს-დან გირჩის ოფისში მხოლოდ მე-11 დღეს მივიდა.

ცნობისთვის,ნარკოტიკული საშუალების შემცველი მცენარის უკანონო დათესვა, მოყვანა ან კულტივირება ისჯება ჯარიმით, ან თავისუფლების აღკვეთით ვადით ორიდან ხუთ წლამდე.

იგივე ქმედება, ჩადენილი დიდი ოდენობით; წინასწარი შეთანხმებით ჯგუფის მიერ; სამსახურებრივი მდგომარეობის გამოყენებით; არაერთგზის ან იმის მიერ, ვისაც წინათ ჩადენილი „ნარკოტიკული დანაშაული“ ისჯება თავისუფლების აღკვეთით ვადით ოთხიდან შვიდ წლამდე.

ნარკოტიკული საშუალების შემცველი მცენარის უკანონო დათესვა, მოყვანა ან კულტივირება განსაკუთრებით დიდი ოდენობით, ან ორგანიზებული ჯგუფის მიერ, ისჯება თავისუფლების აღკვეთით ვადით ექვსიდან თორმეტ წლამდე.

ამ ქმედებისათვის იურიდიული პირი ისჯება ჯარიმით, საქმიანობის უფლების ჩამორთმევით ან ლიკვიდაციით და ჯარიმით