• თბილისი
  • 16°C
  • 24 ოქტომბერი, 2017
article

"საფრანგეთში მოსალოდნელია ახალი ტერაქტები"

პარიზში მომხდარ ტერაქტში ერთ-ერთი ეჭვმიტანილი, ბელგიაში, ქალაქ ანტვერპენის პოლიციაში გამოცხადდა. იმის შესახებ, ცნობს თუ არა პოლიციაში მისული ეჭვმიტანილი თავს დამნაშავედ, ჯერჯერობით არაფერია ცნობილი. 

თვითმხილველების თქმით, პოლიციელებს ცეცხლი მანქანიდან გადმოსულმა კაცმა გაუხსნა, რომელიც თითქოს ავტომატით იყო შეიარაღებული. ინციდენტი იმ დროს მოხდა, როდესაც საფრანგეთის ტელევიზიით, არჩევნების წინ პრეზიდენტობის კანდიდატთა ბოლო დებატები იმართებოდა. 

„ეროვნული ფრონტის“ ლიდერისა და საპრეზიდენტო კანდიდატის მარინ ლე პენის განცხადებით, საფრანგეთის საპრეზიდენტო არჩევნების ჩატარების პერიოდში შესაძლოა, რომ ექსტრემისტებმა ახალი ტერაქტები განახორციელონ. „დიახ, საფრანგეთში ახალი ტერაქტები მოსალოდნელია“, - აღნიშნა ლე პენმა. 

„ჩვენ ვიცით, რომ ტერორისტულმა დაჯგუფებამ „ისლამურმა სახელმწიფომ“ საფრანგეთში ერთი ტერორისტი გამოაგზავნა ტერაქტის განსახორციელებლად. ის ჯერ კიდევ დაკავებული არ არის. ეს კი ნიშნავს, რომ ტერორისტული საფრთხე საფრანგეთში მაქსიმალურ დონეზეა“, - განაცხადა „ეროვნული ფრონტის“ ლიდერმა. 

მისი განმარტებით, „შანზ-ელიზეზე მომხდარი ტერაქტი არ იყო განხორციელებული საფრანგეთში საპრეზიდენტო არჩევნების შედეგებზე გავლენის მოსახდენად“.