• თბილისი
  • 16°C
  • 24 ოქტომბერი, 2017
article

7 ქვეყნის საპარლამენტო დელეგაციამ ოკუპირებული ხაზის ახლოსმდებარე ადგილები მოინახულა

საქართველოში ოფიციალური ვიზიტის ფარგლებში მყოფი სკანდინავიისა და ბალტიის რვიანის წევრ ქვეყანათა პარლამენტების თავმჯდომარეები გორში ჩავიდნენ.

შეხვედრა დახურულ კარს მიღმა მიმდინარეობდა. ამის შემდეგ, დელეგაცია სოფელ ნადარბაზევში ჩავიდა, საიდანაც ოკუპირებულ სოფელ ორჭოსანთან გადაინაცვლეს. აქ დელეგაციის წევრებმა ევროკავშირის დამკვირვებლებისგან ადგილზე არსებული ვითარების შესახებ მიიღეს ინფორმაცია.

დღესვე, საქართველოს სახელმწიფო მინისტრი შერიგებისა და სამოქალაქო თანასწორობის საკითხებში ქეთევან ციხელაშვილი გორის რაიონის სოფლებში იმყოფება. მინისტრმა საოკუპაციო საზღვრის მიმდებარე სოფლების ნიქოზისა და დიცის მოსახლეობას შეხვდა და მათ ევროკავშირში უვიზო მიმოსვლის საკითხებზე, ასევე, საქართველო-ევროკავშირის თანამშრომლობაზე ელაპარაკა.