• თბილისი
  • 34°C
  • 26 ივლისი, 2017
article

"ტყუილად ჰგონია ივანიშვილს, რომ ამ სასამართლოში დაბარებებით ვინმეს შეაშინებს"

"ტყუილად ჰგონია ივანიშვილს და მის მარიონეტ პროკურატურას, რომ ამ სასამართლოში დაბარებებით ვინმეს შეაშინებს"- ეს განცხადება "ნაციონალური მოძრაობის" წევრმა დავით კირკიტაძემ თბილისის საქალაქო სასამართლოში მის წინააღმდეგ მიმდინარე სასამართლო პროცესის წინ გააკეთა.

ქვემო ქართლის ყოფილი გუბერნატორის თქმით, საქმე პოლიტიკურია.

"ეს საქმე არის სუფთა პოლიტიკური. ორი წლის წინ დაიწყო ივანიშვილის ჯიბის პროკურატურამ და გადმოიტანა სასამართლოში. ტყუილად ჰგონია ივანიშვილს და მის მარიონეტ პროკურატურას, რომ ამ სასამართლოში დაბარებებით ვინმეს შეაშინებს, ან ხელს ააღებინებს იმის განზრახვაზე, რომ ივანიშვილის ხელისუფლება მოშორდეს საქართველოს",- განაცხადა კირკიტაძემ.

შეგახსენებთ, პროცესი ე.წ ტრაქტორების საქმეში კირკიტაძის მონაწილეობას ეხება.

პროკურატურა მას გუბერნატორობის პერიოდში 2 ერთეული ტექნიკის არამიზნობრივად გამოყენებას ედავება.

საქმის გამოძიება სისხლის სამართლის კოდექსის 333-ე მუხლითაა დაწყებული, რაც გულისხმობს კონკრეტული სპეცტექნიკის გამოყენებას არასახელმწიფოებრივი მიზნებისთვის.