• თბილისი
  • 30°C
  • 27 ივნისი, 2017
article

CNN: რუსული სპეცსამსახურები, შესაძლოა, დონალდ ტრამპის შესახებ მაკომპრომეტირებელ მასალებს ფლობდნენ

ამერიკული ტელეარხი CNN ავრცელებს ექსკლუზიურ ინფორმაციას იმის შესახებ, რომ შესაძლოა რუსული სპეცსამსახურები ამერიკის არჩეული პრეზიდენტის დონალდ ტრამპის შესახებ მაკომპრომეტირებელ მასალებს ფლობდნენ.

ტელეარხის ცნობით, აღნიშნული ინფორმაცია უშიშროებისა და დაზვერვის სამსახურების ხელმძღვანელებმა გასულ კვირას აშშ-ს პრეზიდენტს, ბარაკ ობამასა და დონალდ ტრამპს მიაწოდეს, თუმცა ინფორმაცია შეხვედრის შესახებ არ გასაჯაროებულა.

ტელერახი ინფორმაციას რამდენიმე მაღალჩინოსან წყაროზე დაყრდნობით ავრცელებს და აღნიშნავს, რომ CIA-ის, FBI-ის, NSA-სა და ეროვნული დაზვერვის სამსახურის ხელმძღვანელებმა ტრამპსა და ობამას 35-გვერდიანი საიდუმლო ანგარიშის ორგვერდიანი მიმოხილვა გადასცეს.

საიდუმლო დოკუმენტი, CNN-ის ცნობით, აშშ-ს საპრეზიდენტო არჩევნებში რუსი ჰაკერების ჩარებას ეხება. მასში საუბარია იმაზეც, რომ რუსული სპეცსამსახურები წინასაარჩევნო პერიოდში ფლობდნენ ინფორმაციას როგორც ჰილარი კლინტონის, ისე დონალდ ტრამპის შესახებ, თუმცა, მათ მხოლოდ კლინტონის მაკომპრომეტირებელი მასალები გაასაჯაროვეს.

ცნობილია ისიც, რომ ამერიკულ სპეცსამსახურებს ამ ინფორმაციის ოფიციალური დასტური არ აქვთ, თუმცა მათი ეჭვი ბრიტანეთის დაზვერვის, MI6-ის ყოფილი თანამშრომლის მიერ მოწოდებულ ინფორმაციას. 

ამერიკული სპეცსამსახურებისთვის, MI6-ის ყოფილი თანამშრომლის მიერ მოწოდებული ინფორმაცია სარწმუნოდ იქნა მიჩნეული, რადგან მას 1990-იან წლებში ჰქონდა რუსეთში მუშაობის გამოცდილება, გარდა ამისა, ის ევროპაში ფლობს კერძო სადაზვერვო-საგამოძიებო კომპანიას და მნიშვნელოვან ინფორმაციაზეც მიუწვდება ხელი. 

CNN-ის ცნობით, ამერიკის სპეცსამსახურების ლიდერებმა ობამასა და ტრამპს მიაწოდეს ინფორმაცია იმის შესახებ, რომ სადაზვერვო წრეებში აქტიურად ვრცელდება ინფორმაცია ტრამპისა და რუსეთის კავშირების შესახებ. ტრამპის თანაშემწეებსა და რუსეთის ხელისუფლებას შორის კი აქტიური კავშირი იყო სწორედ წინასაარჩევნო პერიოდში.

ექსკლუზიური ინფორმაციის CNN-თან კომენტირებაზე ყველა მხარემ უარი თქვა. კონკრეტულ მასალას არც დონალდ ტრამპი გამოხმაურებია, თუმცა მან ტვიტერზე დაწერა რომ "ცრუ ახალი ამბები არის პოლიტიკური კუდიანებზე ნადირობა".

ოფიციალური მოსკოვის განცხადებით კი, ამერიკული სპეცსამსახურების მიერ მუდმივი აპელირება იმაზე, რომ რუსეთი აშშ-ს საპრეზიდენტო არჩევნებში ჩაერია, არის "სიცრუე" და ეს ემსახურება ორ ქვეყანას შორის "ურთიერთობების გაუარესებას".