• თბილისი
  • 31°C
  • 20 სექტემბერი, 2017
article

თუ ფეხების ტკივილი გაწუხებთ...

დისკომფორტის შეგრძნება ფეხის სახსრებში, მუხლებში, წვივებში, ფეხის ცერა თითსა და ქუსლებთან გამონაზარდების წარმოქმნას, რასაც ძლიერი ტკივილებიც ახლავს, ხშირად ბრტყელტერფიანობა იწვევს. ამის შესახებ ალბათ ცოტამ თუ იცის. ასეთ დროს, გარდა ექიმთან ვიზიტისა და შესაბამისი მკურნალობისა, კარგი ეფექტი აქვს ხალხური მედიცინის რეცეპტებსაც.

ყოველ სამ დღეში ერთხელ ფეხებზე შემდეგი აბაზანები უნდა გაიკეთოთ: 3 ლ ცხელ წყალში 1 ს.კ. საჭმელი სოდა გახსენით, დაუმატეთ 8-10 წვეთი 5%-იანი იოდის ხსნარი. აბაზანის ხანგრძლივობა არაუმეტეს 10 წუთია. აბაზანის მიღების შემდეგ ფეხები კარგად შეიმშრალეთ და მტკივან ადგილზე 5%-იანი იოდის ხსნარი წაისვით. დილით ვაზელინი გადაისვით. ამ დროს კარგია მცენარეული და რძის დიეტის დაცვა.

ძლიერი ტკივილების შემთხვევაში გამონაზარდზე ყოველდღიურად ნივრის კომპრესი დაიდეთ და 3-4 საათი გააჩერეთ. პროცედურა მანამ გაიმეორეთ, სანამ ტკივილები არ მოგეხსნებათ. კარგია დინდგელის კომპრესებიც. დინდგელი ხელში დაარბილეთ და გამონაზარდზე დაიდეთ. გაიჩერეთ მთელი ღამე. პროცედურა ყოველდღიურად გაიმეორეთ, გამოჯანმრთელებამდე.