• თბილისი
  • 14°C
  • 19 ნოემბერი, 2017
article

პროფესორი ანზორ მელია: შური, გულის მთავარი მტერია

მედიცინის დოქტორისა და პროფესორის ანზორ მელიას თქმით, წითელი ღვინო სამკურნალოა. კარდიოლოგიური კლინიკა „გულის“ ხელმძღვანელი, საზოგადოებას ურჩევს, არ იყვნენ შურიანები, რადგან შური გულის ერთ–ერთი მთავარი მტერია. პროფესორი, მაღალი წნევის მატარებელ ადამიანებს განსაკუთრებული სიფრთხილისკენ მოუწოდებს, რადგან მიმდინარე სეზონზე ისინი ინსულტისა და ინფარქტის რისკ–ჯგუფს განეკუთვნებიან. „პრესა,ჯი“ მედიცინის დოქტორსა და კლინიკა „გულის“ ხელმძღვანელ ანზორ მელიას სეზონური დაავადებებისა და მოსალოდნელი გართულებების შესახებ ესაუბრა.

 

– გაზაფხულის სეზონზე, ძალიან აქტუალურია გულსისხლძარღვთა დაავადებები. შეგიძლიათ გვითხრათ, ძირითადად, რა ასაკში იჩენს ეს პრობლემები თავს?

 

– ხანდაზმულ ასაკში ძალიან აქტუალურია ეს დაავადებები. ძირითადად 60 წელს გადაცილებულ ადამიანებში იჩენს  გულსისხლძარღვთა დაავადებები თავს. თუმცა, შემიძლია ისიც ვთქვა, რომ არაჯანsაღი ცხოვრების გამო, ახალგაზრდებშიც იმატა კარდიოლოგიურმა პრობლემებმა.

 

– შეგიძლიათ თუ არა სტატისტიკური დასკვნების გაკეთება?

 

– სტატისტიკურად, ამ დაავადებების გამოვლინების რაოდენობით ამერიკა დგას პირველ ადგილზე, თუმცა, არც საქართველო ჩამორჩება მას და კარდიოლოგიური და გულსისხლძარღვთა დაავადებების ასაკი, უკანასკნელ წლებში გაახალგაზრდავდა.

 

– კიდევ რა დაავადებების გამოვლინებაა შესაძლებელი  ამ სეზონზე?

 

– კარდიოლოგიურ და გულსისხლძარღვთა დაავადებეbთან ერთად, მოსალოდნელია ინფაქტებისა და ინსულტების გამოვლინება. ეს დაავადებები განსაკუთრებით საშიშია მათთვის, ვისაც მაღალი წნევები აქვს.

 

– ვინც ამ რისკ–ჯგუფს განეკუთვნება, რა პრევენციული ზომები ინდა მიიღონ, რომ თავიდან აიცილონ მოსალოდნელი ჯანმრთელობის გაუარესება?

 

– აუცილებლად უნდა იყოლიონ მკურნალი ექიმი. ეცადონ, ყოველ დღე თუნდაც თითო საათით გაისეირნონ, სიარული ყოველგვარ ფიზიკურ ვარჯიშზე უკეთესია. ჩემი რჩევა იქნება, არ იყვნენ შურიანები, რადგან შური გულის ერთ–ერთი მთავარი მტერია. ამერიკაში ექსპერიმენტიც კი ჩაატარეს: დააკვირდნენ „ბოროტ“ და „კეთილ“ ადვოკატებს. გაირკვა, რომ „ბოროტებში“ ინფარქტები უფრო ხშირი იყო, ვიდრე „კეთილებში“. აქედან გამომდინარე, შური და ბოროტება გულს ძალიან ვნებს.

 

– შეიძლება თუ არა პროფილაქტიკის დროს ალკოჰოლის მიღება?

 

– წითელი ღვინო, ოღონდ მცირე რაოდენობით,სამკურნალოცაა. პროფილაქტიკის დროს, მცირე რაოდენობით მისი მიღება სრულიად ნორმალური და სასარგებლოა.

 

– რას ურჩევთ იმ ადამიანებს, ვისაც ეს პრობლემები აწუხებს?

 

– აუცილებელია დაავადების კონტროლი და მუდმივი პროფილაქტიკა. დაუშვებელია არაჯანსაღი ცხოვრების სტილი. სიგარეტი და მაღალკალორიული საკვებიც, დიდ როლს ასრულებენ, ზემოთ აღნიშნული დაავადებების გამოვლინებაში.

 

– კიდევ რომელ სეზონზე უნდა ველოდოთ ასეთი დაავადებების გამოვლინებას?

 

– ისევე როგორც გაზაფხულზე, გულსისხლძარღვთა და კარდიოლოგიური პრობლემების გამოვლინება, შესაძლებებლია შემოდგომაზეც.